യുവനടി അക്രമിക്കപ്പെട്ട സംഭവത്തില്‍ ക്വട്ടേഷന്‍ നല്‍കിയത് ഒരു സ്ത്രീയാണെന്ന് വെളിപ്പെടുത്തല്‍. ക്വട്ടേഷന്‍ നല്‍കിയത് ഒരു സ്ത്രീയാണെന്ന് പള്‍സര്‍ സുനി ആക്രമിക്കപ്പെട്ട നടി തന്നോട് പറഞ്ഞതായി ഡബ്ബിഗ് ആര്‍ട്ടിസറ്റു കൂടിയായ നടി ഭാഗ്യലക്ഷ്മി വെളിപ്പെടുത്തി. പ്രമുഖ ചാനലിന്റെ പരിപാടിക്ക് നല്‍കിയ അഭിമുഖത്തിലാണ് നടി ഇക്കാര്യം അറിയിച്ചത്. 

നടിയുമായി സംസാരിച്ച ശേഷം അക്കാര്യങ്ങള്‍ ചാനലുമായി പങ്കുവെക്കുകയായിരുന്നു അവര്‍. കൂടുതല്‍ പണം തരാമെന്ന് പള്‍സര്‍ സുനിയോട് പറഞ്ഞിട്ടും അവര്‍ ഉപദ്രവിച്ചു. ആരുടെ ക്വട്ടേഷനാണെങ്കിലും ഇങ്ങനെ ക്രൂരമായി പെരുമാറാന്‍ ഒരാള്‍ക്ക് സാധിക്കുമോ, ആക്രമണത്തിന് പിന്നില്‍ പ്രമുഖനടനാണെന്ന് പൊലീസിന് മൊഴി നല്‍കിയിട്ടില്ല. സിനിമ ഇല്ലാതാക്കാന്‍ ഇടപെട്ടിട്ടുണ്ടെങ്കിലും ഇത്ര വലിയ ക്രൂരത പ്രമുഖ നടന്‍ ചെയ്യുമെന്ന് കരുതുന്നില്ലെന്നുള്ള കാര്യങ്ങളും നടി തന്നോട് വ്യക്തമാക്കിയെന്നും ഭാഗ്യലക്ഷ്മി കൂട്ടിച്ചേര്‍ത്തു. ഞെട്ടിക്കുന്ന വിവരങ്ങളാണ് തന്നോട് നടി വെളിപ്പെടുത്തിയതെന്നും ഭാഗ്യലക്ഷ്മി വിശദമാക്കുന്നു. 

പ്രമുഖ യുവനടനും സംവിധായകനുമായ സിദ്ധാര്‍ത്തിന്റൈ കാക്കനാടുള്ള ഫ്‌ലാറ്റില്‍ നിന്നും ഇന്നലെ പ്രതിയെന്നു സംശയിച്ചിരുന്ന ഒരു യുവാവിനെ അറസ്റ്റ് ചെയ്തിരുന്നു. എന്നാല്‍ യുവാവിനെ പോലീസ് വിട്ടയച്ചു . അതേസമയം കേസിലെ മുഖ്യ പ്രതിയായ പള്‍സര്‍ സുനി വീണ്ടും പോലീസിന്റെ വലയില്‍ നിന്നും രക്ഷപെട്ടു. സുനിക്കുവേണ്ടി പോലീസ് ശക്തമായ തിരച്ചില്‍ നടത്തുകയാണ്. പള്‍സര്‍ സുനിയും പോലീസും തമ്മില്‍ ഇപ്പോള്‍ നടക്കുന്നത് എലിയും പൂച്ചയും പോലുള്ള കാളിയാണെന്നാണ് പോലീസ് പറയുന്നത്. സുനിക്കുവേണ്ടി പോലീസ് തമിഴ്‌നാട്ടില്‍ വലവിരിച്ച് കഴിഞ്ഞു.