പൃഥ്വി രാജും ഇന്ദ്രജിത്തും കാര് റേസിംഗിന്
പൃഥ്വിരാജും ഇന്ദ്രജിത്തും കാര് റേസിംഗിന് ഒരുങ്ങുന്നു. ശ്രീനാഥ് രാജേന്ദ്രനാണ് ചിത്രം സംവിധാനം ചെയ്യുന്നത്. രണ്ട് വര്ഷം മുമ്പാണ് ഈ കഥ പൃഥ്വി രാജിനോടും ഇന്ദ്രജിത്തിനോടും പറഞ്ഞത്. എന്നാല് പൃഥ്വി രാജിന്റെ തിരക്ക് കാരണം പ്രോജക്ട് നീണ്ടു പോവുകയായിരുന്നു. സണ്ണി വെയിനെ നായകനാക്കി സിനിമ എടുക്കാനുള്ള ശ്രമത്തിലാണ് ശ്രീനാഥ് ഇപ്പോള്.
അതിന് ശേഷമേ ഈ ചിത്രം തുടങ്ങൂ. എന്നാല് തിരക്കഥ ഉള്പ്പെടെയുള്ള കാര്യങ്ങള് പൂര്ത്തിയാക്കിയതായി സംവിധായകന് പറഞ്ഞു. മോട്ടോര് സ്പോട്സ് ആയതിനാല് വളരെ വലിയ കാന്വാസിലായിരിക്കും സിനിമ ചിത്രീകരിക്കുക. അതിന് ധാരാളം തയ്യാറെടുപ്പുകള് വേണം. ലൊക്കേഷന്സ് പോലും വളരെ പ്രത്യേകതയുള്ളതായിരിക്കും.
അഡ്വഞ്ജറസ് സിനിമകള് ചെയ്യാന് പൃഥ്വിരാജിനും ഇന്ദ്രജിത്തിനും വലിയ താല്പര്യമാണ്. രണ്ട് പേരും ഇതുവരെ സ്പോട്സ് പശ്ചാത്തലമാക്കിയ സിനിമകളില് അഭിനയിച്ചിട്ടില്ല. ഇരുവരും സഹോദരന്മാരായാണ് ഈ ചിത്രത്തില് അഭിനയിക്കുന്നത്.
മലയാളത്തില് ഇതുവരെ കാണാത്ത തരത്തിലുള്ള പരീക്ഷണ സിനിമയായിരിക്കുമെന്ന് സംവിധായകന് അഭിപ്രായപ്പെട്ടു. പൃഥ്വിരാജും ഇന്ദ്രജിത്തും ഒന്നിച്ചഭിനയിച്ച ടിയാന് എന്ന സിനിമ വരുന്ന ഈദിന് റിലീസാകും. ഇരുവരും ഒന്നിച്ചഭിനയിച്ച സിനിമകളില് ക്ലാസ്മേറ്റ്സ് ഒഴികെ ഒന്നും വിജയിച്ചിട്ടില്ല. അതുകൊണ്ട് രണ്ട് പേരെയും വെച്ച് സിനിമകളെടുക്കാന് നിര്മാതാക്കള്ക്ക് മടിയാണ്
https://www.facebook.com/Malayalivartha
