ഇളയ ദളപതി മലയാളത്തിലേക്ക്; ആരാധകരുടെ കാത്തിരിപ്പിനു വിരാമം
ഇളയ ദളപതിയുടെ മലയാളത്തിലേക്കുള്ള അരങ്ങേറ്റത്തിനായി കാത്തിരുന്ന ആരാധകര്ക്ക് സന്തോഷ വാര്ത്ത. വിജയ് മലയാള സിനിമയില് അഭിനയിക്കുന്നു .കേരളത്തില് ഏറ്റവും കൂടുതല് ആരാധകരുള്ള തമിഴ് നടന്മാരില് ഒരാളാണ് വിജയ്. വിജയ്യുടെ സിനിമകള്ക്ക് വലിയ സ്വീകരണമാണ് മലയാളി ആരാധകര് ഇക്കാലമത്രയും നല്കിയിട്ടുള്ളത്.
സണ്ണി വെയ്ന് നായകനാകുന്ന പോക്കിരി സൈമണ് എന്ന ചിത്രത്തില് അതിഥി വേഷത്തിലാണ് വിജയ് മലയാളത്തില് അരങ്ങേറുന്നത്. വിജയുടെ ഹിറ്റ് ചിത്രമായ പോക്കിരി എന്ന ചിത്രത്തിന്റെ കടുത്ത ആരാധകനായ സൈമണ് എന്ന യുവാവിന്റെ കഥയാണ് ചിത്രത്തിന്റെ പ്രമേയം.
ഡാര്വിന്റെ പരിണാമം എന്ന സിനിമയുടെ സംവിധായകനായ ജിജോ ആന്റണിയാണ് ഈ ചിത്രത്തിന്റെ സംവിധായകന്. പോക്കിരി സൈമണ് എന്ന ചിത്രത്തില് വിജയ് ആയിട്ട് തന്നെ ആയിരിക്കും താരം എത്തുക. അങ്കമാലി ഡയറീസ് എന്ന ചിത്രത്തിലൂടെ ശ്രദ്ധേയനായ ശരത്കുമാറും ഈ സിനിമയില് പ്രധാന വേഷത്തിലെത്തുന്നു.
https://www.facebook.com/Malayalivartha
