വേഷമുണ്ടെന്ന് പറയുകയും സിനിമ തുടങ്ങുമ്പോള് മറ്റൊരാളെ അഭിനയിപ്പിക്കുകയും ചെയ്യുന്നത് തുടര്ക്കഥയാകുന്നു
വേഷമുണ്ടെന്ന് പറഞ്ഞ് വിളിച്ച് വിളിച്ച് പറയുകയും സിനിമ തുടങ്ങുമ്പോള് മറ്റൊരാളെ അഭിനയിപ്പിക്കുകയും ചെയ്യുന്ന രീതി മലയാളസിനിമയില് വര്ദ്ധിച്ചുവരുകയാണ്. ആളുകളെ പറഞ്ഞ് പറ്റിച്ച് ആഹഌദിക്കുന്ന പരിപാടിയാണിതെന്ന് നടി സീമാ ജി നായര്. അടുത്തകാലത്ത് സീമയ്ക്ക് ചില സിനിമകളില് അഭിനയിക്കാന് ഓഫര് വന്നിരുന്നു. ഡേറ്റും നല്കി. ഷൂട്ടിംഗ് തുടങ്ങിയപ്പോള് സീമ ഔട്ട്. സത്യം പറഞ്ഞാല് വിഷമം തോന്നിയെന്ന് താരം പറഞ്ഞു. പരാതിപ്പെടാന് ആഗ്രഹമില്ലാഞ്ഞിട്ടില്ല. എന്തെങ്കിലും പറയുകയോ, പ്രതികരിക്കുകയോ ചെയ്താല് വീട്ടിലിരിക്കേണ്ടി വരും. എല്ലാം സഹിക്കുകയാണ്. അഭിനയമല്ലാതെ വേറെ തൊഴില് അറിയില്ലെന്നും താരം വ്യക്തമാക്കി.
ബാങ്ക് ബാലന്സോ, വസ്തുവകകളോ ഉണ്ടായിരുന്നെങ്കില് പ്രതികരിച്ചേനെ. എന്തെങ്കിലും പറഞ്ഞാല് പിന്നെ ആരും വിളിക്കില്ല. ഇത്തരം പ്രശ്നങ്ങള് കണ്ടില്ലെന്ന് നടിച്ച് ജീവിക്കുന്ന ധാരാളം പേര് ഇന്ഡസ്ട്രിയിലുണ്ട്. സിനിമയില് സൗഹൃദം ഇല്ലാതായിവരുകയാണ്. ക്യാമറയ്ക്ക് മുന്നിലും പിന്നിലും ചായം തേച്ച് നില്ക്കുന്നവരാണ് കൂടുതലും. സിനിമാ അഭിനയം തുടങ്ങിയിട്ട് മൂന്ന് പതിറ്റാണ്ടായി പത്മരാജന്റെ പറന്ന് പറന്ന് പറന്ന് എന്ന ചിത്രത്തിലൂടെയാണ് ക്യാമറയ്ക്ക് മുന്നിലെത്തിയത്. 1987ല് ചേറപ്പായി കഥകള് എന്ന സീരിയലില് ചേറപ്പായിയുടെ ഭാര്യയായി അഭിനയിച്ചത് ഏറെ ശ്രദ്ധിക്കപ്പെട്ടു. അതിന് ശേഷമാണ് അവസരങ്ങള് കൂടുതല് ലഭിച്ചത്.
1990ലായിരുന്നു വിവാഹം. അതോടെ അഭിനയം വിട്ടു. പിന്നീട് മാനസി എന്ന സീരിയലിലൂടെ രണ്ടാം വരവ്. ചെറുതും വലുതുമായ വേഷങ്ങളിലൂടെ 130 സിനിമകളില് അഭിനയിച്ചു. അടൂരിന്റെ നാല് പെണ്ണുങ്ങളില് കള്ളന്റെ ഭാര്യയായി അഭിനയിക്കാന് കഴിഞ്ഞത് ഭാഗ്യമായി കരുതുന്നു. 1983യില് നിവിന് പോളിയുടെ അമ്മ വേഷത്തില് അഭിനയിച്ചപ്പോള് ഏറെ കയ്യറി കിട്ടിയിരുന്നു. അലമാരയില് സണ്ണിവെയിനിന്റെ അമ്മയായി അഭിനയിച്ചതും പ്രേക്ഷകര്ക്ക് ഇഷ്ടമായി. കുഞ്ഞുരാമായണത്തില് വിനീത് ശ്രീനിവാസന്റെ അമ്മയാകണമെന്ന് പറഞ്ഞപ്പോള് വലിയ സന്തോഷമായിരുന്നു. സിനിമ ഹിറ്റാവുകയും ചെയ്തു.
https://www.facebook.com/Malayalivartha