റിയൽ ജീവിതത്തില് പച്ചക്കറി വില്പ്പനക്കാരിയായി സാമന്ത... താരത്തിന്റെ പ്രവൃത്തിയിൽ അമ്പരന്ന് ആരാധകര്... പ്രശംസിച്ച് സോഷ്യൽ മീഡിയ
തെന്നിന്ത്യയിലെ സൂപ്പര് താരം സാമന്ത അക്കിനേനി പച്ചക്കറി വില്ക്കുന്നത് കണ്ട് അമ്പരന്ന് ആരാധകര്.തന്റെ ചാരിറ്റി ഫൗണ്ടേഷനായ പ്രതായുഷയ്ക്ക് ഫണ്ട് കണ്ടെത്തുന്നതിന്റെ ഭാഗമായിട്ടായിരുന്നു യഥാർത്ഥ ജീവിതത്തിലും സാമന്തയുടെ ഈ പച്ചക്കറി വില്പ്പന. അടിസ്ഥാന ജീവിതസൗകര്യങ്ങള് പോലുമില്ലാത്ത സ്ത്രീകള്ക്കും കുട്ടികള്ക്കും വേണ്ടി ചികിത്സാസഹായം ഏര്പ്പെടുത്താനായി പ്രവര്ത്തിക്കുന്ന സംഘടനയാണ് പ്രതായുഷ ഫൗണ്ടേഷന്. 2014 ലാണ് സാമന്ത പ്രതായുഷ ആരംഭിക്കുന്നത്.
സൗജന്യ മെഡിക്കല് ക്യാമ്ബുകള്, കുട്ടികള്ക്കുള്ള സൗജന്യ പ്രതിരോധ കുത്തിവയ്പുകള്, രക്തദാനം തുടങ്ങി നിരവധി സാമൂഹിക പ്രവര്ത്തനങ്ങള് പ്രതായുഷ സംഘടിപ്പിക്കാറുണ്ട്. താരത്തിന്റെ 'ഇരുമ്ബുത്തുറൈ' എന്ന ചിത്രത്തിന്റെ നൂറാംദിന ആഘോഷത്തില് പങ്കെടുക്കാന് ഹൈദരാബാദില് നിന്നും വ്യാഴാഴ്ച ചെന്നൈയില് എത്തിയതായിരുന്നു താരം.
വെള്ളിയാഴ്ച രാവിലെയാണ് തിരുവള്ളിക്കേനി ക്ഷേത്രത്തിന് അരികിലെ ജാം ബസാര് മാര്ക്കറ്റിലെത്തി പച്ചക്കറി വില്പ്പനക്കാരിയായുള്ള സാമന്ത വേഷപ്പകര്ച്ച നടത്തിയത്. മാര്ക്കറ്റിലെ ഒരു പച്ചക്കറിക്കട കണ്ടെത്തി സാമന്ത പച്ചക്കറി വില്പ്പന തുടങ്ങുകയായിരുന്നു. തങ്ങളുടെ പ്രിയതാരത്തെ കാണാന് ആരാധകര് മാര്ക്കറ്റില് തടിച്ചു കൂടി. താരത്തിന്റെ ഈ പ്രവൃത്തിയെ പ്രശംസിക്കുകയാണ് സോഷ്യൽ മീഡിയ.
https://www.facebook.com/Malayalivartha