തൃഷയും സ്വാമിയും അടിച്ച്പിരിഞ്ഞു
വിക്രം-തൃഷ ജോഡി അഭിനയിച്ച സ്വാമി സൂപ്പര്ഹിറ്റായിരുന്നു. സംവിധായകന് ഹരിക്കും ചിത്രം പേര് നല്കി. തുടര്ന്നാണ് സിനിമയുടെ രണ്ടാംഭാഗം ഒരുക്കാന് സംവിധായകന് തീരുമാനിച്ചത്. അതിലും തൃഷയെ നായികയാക്കാന് തീരുമാനിച്ചു. അഡ്വാന്സും നല്കിയിരുന്നു. എന്നാല് കഥ കേട്ടതോടെ താരം ചിത്രത്തില് നിന്ന് പിന്മാറുകയായിരുന്നു. അതിന്റെ കാരണം വളരെ വിചിത്രമായിരുന്നു. അതോടെ ഐശ്വര്യാ രാജേഷിനെ കാസ്റ്റ് ചെയ്തിരിക്കുകയാണ്. വിക്രമിനെ പോലൊരു സ്റ്റാറിന്റെ സിനിമയില് അഭിനയിക്കാന് കഴിയുന്നത് ഭാഗ്യമാണെന്ന് ഐശ്വര്യ രാജേഷ് കരുതുന്നു.
തമിഴ്നാട്ടിലും ഗോവയിലും കേരളത്തിലുമായി സ്വാമിയുടെ ചിത്രീകരണം പൂര്ത്തിയായി. താമസിക്കാതെ സിനിമ തിയേറ്ററുകളിലെത്തും. ഇതോടൊപ്പം തൃഷയും വിജയ് സേതുപതിയും ജോഡികളായ 96 റും റിലീസാകും. പ്രശസ്തക്യാമറാമാനായ പ്രേംകുമാര് സംവിധായകനാകുന്ന ആദ്യസിനിമയാണ് 96. ചിത്രത്തിന്റെ ട്രെയിലറിന് വലിയ സ്വീകാര്യതയാണ് ലഭിച്ചത്. കാതലേ... കാതലേ... എന്ന പാട്ട് ഇതിനോടകം ഹിറ്റായിക്കഴിഞ്ഞു. രണ്ട് ചിത്രങ്ങളും ഹിറ്റാകുമെന്നാണ് പ്രതീക്ഷ. അടുത്തകാലത്തിറങ്ങിയ വിക്രം സിനിമകളെല്ലാം പരാജയമായിരുന്നു. അങ്ങനെയെങ്കില് തൃഷയുടെ നിലപാടിന് ഇന്ഡസ്ട്രിയില് പിന്തുണയേറും.
സ്വാമിയുടെ ആദ്യഭാഗത്തെ നായികയായ തൃഷയുടെ കഥാപാത്രം സ്വാമി ടുവില് മരിക്കുകയാണ്. പിന്നീട് മറ്റൊരു നായികയായ കീര്ത്തി സുരേഷിന്റെ കഥാപാത്രത്തിന് കൂടുതല് പ്രാധാന്യം ലഭിക്കും. അത് തൃഷയ്ക്ക് രസിച്ചില്ല. പത്ത് കൊല്ലത്തിലധികമായി ഇന്ഡസ്ട്രിയില് നില്ക്കുന്ന താന് ഇന്നലെ വന്ന ഒരാള്ക്ക് വേണ്ടി ഇമേജ് കളയാന് തയ്യാറല്ലെന്നും അതിനാല് മരിക്കുന്ന സീന് മാറ്റിയെഴുതണമെന്ന് തൃഷ ആവശ്യപ്പെട്ടു. അത് പറ്റില്ലെന്നും സിനിമയിലെ നിര്ണായകമായ കഥാമുഹൂര്ത്തമാണതെന്നും ഹരി പറഞ്ഞു. തുടര്ന്നാണ് തൃഷ സ്വാമിയില് നിന്ന് പിന്മാറിയത്.
https://www.facebook.com/Malayalivartha
