സ്വരയെ അധിക്ഷേപിച്ച സംവിധായകന് പണി കിട്ടി
പിസി ജോര്ജ്ജ് എംഎല്എ കന്യാസ്ത്രീയെ അധിക്ഷേപിച്ചതിനെതിരെ ബോളിവുഡ് നടി സ്വര ഭാസ്കര് ട്വീറ്റ് ചെയ്തിരുന്നു. എന്നാല് ഇതിന് മറുപടിയായി സ്വരയെ അധിക്ഷേപിക്കുന്ന തരത്തില് ട്വീറ്റ് ചെയ്ത സംവിധായകന് വിവേക് അഗ്നിഹോത്രിയുടെ അക്കൗണ്ടാണ് ട്വിറ്റര് മരവിപ്പിച്ചത്. തനിക്കെതിരെ വിവേക് നടത്തിയ ട്വിറ്റര് പരാമര്ശം അധിക്ഷേപകരമാണെന്ന് സ്വര റിപ്പോര്ട്ട് ചെയ്തതിനെ തുടര്ന്നാണ് മറുപടി.
ലജ്ജാകരവും അരോചകവും. ഇന്ത്യയില് മത, രാഷ്ട്രീയ ഇടങ്ങളില് മാലിന്യം നിറഞ്ഞിരിക്കുന്നുവെന്നായിരുന്നു സ്വരയുടെ ട്വീറ്റ്. അതിന് മറുപടിയായി ലൈംഗിക ചൂഷണങ്ങള് വെളിപ്പെടുത്താന് സ്ത്രീകള് ഉപയോഗിച്ച 'മീ ടൂ' ഹാഷ് ടാഗ് പരാമര്ശിച്ചാണ് വിവേക് സ്വരയെയും കന്യാസ്ത്രീയെയും അധിക്ഷേപിച്ചത്.
പിന്നാലെ മറുപടിയുമായി സ്വരയുമെത്തി. 'നിങ്ങള്ക്കിഷ്ടമില്ലാത്ത സ്ത്രീയെ പരസ്യമായി അപമാനിക്കാന് ബലാത്സംഗത്തെ അതിജീവിച്ചവളുടെ മാനസികാഘാതത്തെ പരിഹസിക്കുകയാണ്. ബുദ്ധിസ്ഥിരതയുള്ളപ്പോള് ഒന്ന് ചിന്തിക്കുക. അല്ലെങ്കില് ബുദ്ധിഭ്രമം വരും. എത്ര തരം താണ പരാമര്ശമാണിതെന്നും സ്വര പറഞ്ഞു.
https://www.facebook.com/Malayalivartha