തീവണ്ടി എന്ന ചിത്രവുമായി മുന്നേറുമ്പോൾ ആരാധകർ ടോവിനോയെ വിടാതെ പിന്തുടരുകയാണ്. മികച്ച പ്രതികരണങ്ങളാണ് ചിത്രത്തിന് ലഭിച്ചു കൊണ്ടിരിക്കുന്നത്. സാമൂഹിക മാധ്യമങ്ങളിൽ സജീവമായ താരം ചിത്രത്തിന്റെ വിശേഷങ്ങളെല്ലാം ആരാധകരുമായി സ്ഥിരം പങ്കുവയ്ക്കാറുണ്ട്.കൂടാതെ തന്നെ ട്രോളാൻ വരുന്നവറീ തിരിച്ച് ട്രോളാനും താരത്തിന് ഒരു മടിയും ഇല്ല. തന്നെ ട്രോളിയവർക്കുള്ള താരത്തിന്റെ മറുപടിയാണ് ഇപ്പോൾ വൈറലാകുന്നത്. പുകവലിക്കെതിരെ വിമർശനം ഉന്നയിച്ച യുവാവിനെ തിരിച്ച് ട്രോളിയിരിക്കുകയാണ് ടോവിനോ.

സമൂഹത്തിന് മാതൃകയാകേണ്ട യുവനടന്മാർ പുകവലിയും മദ്യപാനവും പരസ്യചുംബനവും ഒക്കെ ചെയ്ത് യുവാക്കൾക്ക് പ്രോത്സാഹനമാകുന്നത് കഷ്ടം തന്നെ. പുകവലി ആരോഗ്യത്തിന് ഹാനികരം എന്നൊരു ലേബൽ എഴുതിക്കാണിച്ച് അത് തന്നെ ചെയ്യുന്ന രീതി കിടുവാണ്. അതുപോലെ പൈറസി മലയാള സിനിമക്ക് ഹാനികരം എന്ന ലേബൽ വച്ച് ധൈര്യമായി ഡൗണ്ലോഡ് ചെയ്യാംഎന്നായിരുന്നു ഒരുആരാധകന്റെ ട്രോൾ.

എന്നാൽ ഗ്രേറ്റ് ഫാദർ എന്ന ചിത്രത്തിലെ പുകവലിക്കുന്ന മമ്മൂട്ടിയുടെ ചിത്രം പ്രൊഫൈൽ പിക്ച്ചർ ആക്കി ഇട്ട വ്യക്തിയുടെ പരിഹാസത്തിന് ടോവിനോ നൽകിയ മറുപടി വൈറൽ ആയിരിക്കുകയാണ്. നല്ല പ്രൊഫൈൽ പിക്ച്ചർ മാതൃകാപുരുഷ' എന്നായിരുന്നു ടോവിനോയുടെ മറുപടി.