ഡോക്ടറാകണം എന്ന സ്വപ്നം പൂർത്തിയാക്കാൻ അച്ഛനൊപ്പം പാടത്ത് പണിയെടുത്ത് 21 വയസ്സുകാരി കനിമൊഴിയുടെ കഥ വാർത്താമാധ്യമങ്ങളിൽ ഏറെ ശ്രദ്ധനേടിയിരുന്നു . എംബിബിഎസ് പഠനം പൂര്‍ത്തിയാക്കാനുള്ള പണം കണ്ടെത്തുന്നതിനായിരുന്നു കനിമൊഴി പാടത്ത് പണിയെടുക്കാനിറങ്ങിയത്. സാമ്പത്തികമായി ഏറെ കഷ്ടപ്പെടുന്ന കനിമൊഴിയുടെ നിശ്ചയദാര്‍ഡ്യത്തിനും കഠിനാധ്വാനത്തിനും നിരവധി അഭിനന്ദനങ്ങളും സഹായ വാഗ്ദാനങ്ങളും ലഭിച്ചിരുന്നു.എന്നാൽ പാവപ്പെട്ട ഈ പെൺകുട്ടിയുടെ പഠനച്ചിലവ് മുഴുവനായും ഏറ്റെടുത്തിരിക്കുകയാണ് തമിഴകത്തെ പ്രിയതാരം കമൽഹാസൻ .

സിരുവചൂര്‍ ധനലക്ഷ്മി ശ്രീനിവാസന്‍ മെഡിക്കല്‍ കോളേജില്‍ എംബിബിഎസ് വിദ്യാര്‍ത്ഥിനിയാണ് കനിമൊഴി. പഠനത്തിനു പുറമേ അവധി ദിവസങ്ങളില്‍ ഫീസ് തുക കണ്ടെത്താന്‍ കനി പാടത്ത് പണിക്കിറങ്ങുമായിരുന്നു. ഇതറിഞ്ഞതോടെ തന്റെ സഹോദരന്‍ ചന്ദ്രഹാസന്റെ പേരിലുള്ള ട്രസ്റ്റ് വഴി പെണ്‍കുട്ടിയുടെ പൂര്‍ണ്ണ പഠനചിലവ് കമല്‍ ഹസന്‍ ഏറ്റെടുക്കുകയായിരുന്നു.