തമിഴ്നാട്ടില് തരംഗം സൃഷ്ടിച്ച് നയന്താരയുടെ കൊലമാവ് കോകില
നയന്താര നായികയായി എത്തിയ കൊലമാവ് കോകില റെക്കോഡ് കളക്ഷനുമായി മുന്നേറുകയാണ്. തമിഴകത്ത് ഏറ്റവും അധികം കളക്ഷന് നേടുന്ന നായിക ചിത്രമെന്ന റെക്കോര്ഡ് ഇതിനോടകം കൊലമാവ് കോകില സ്വന്തമാക്കിക്കഴിഞ്ഞു. റിലീസ് ദിവസം 3.47 കോടി രൂപയാണ് ചിത്രം നേടിയത്. രണ്ടാം ദിവസവും മൂന്നാം ദിവസവും കളക്ഷനില് മുന്നേറ്റമുണ്ടാക്കാനും താരത്തിന് സാധിച്ചു.
ആദ്യ വാരാന്ത്യം കൊലമാവ് കോകില തമിഴ്നാട്ടില് നിന്ന് മാത്രം സ്വന്തമാക്കിയത് 11.9 കോടിയാണ്. ഒമ്ബത് ദിവസം പിന്നിട്ടപ്പോള് തമിഴ്നാട്ടില് നിന്ന് മാത്രം 20 കോടി രൂപയ്ക്ക് മുകളിലാണ് കൊലമാവ് കോകില നേടിയത്. തിയറ്റരില് 25 ദിവസം പിന്നിട്ട കൊലമാവ് കോകില തമിഴ്നാട്ടില് നിന്ന് മാത്രം നേടിയത് 30 കോടി രൂപയാണ്. പുരുഷ കേന്ദ്രീകൃത സൂപ്പര് താരങ്ങള്ക്കൊപ്പം നില്ക്കുന്ന ബോക്സ് ഓഫീസ് പ്രകടനമാണ് കോലമാവ് കോകില തമിഴ്നാട്ടില് കാഴ്ചവയ്ക്കുന്നത്.
ചിത്രമിറങ്ങി രണ്ടാഴ്ച കഴിഞ്ഞപ്പോള് നയന്താര നായികയായി എത്തിയ ഇമൈക്ക നൊടികളും തിയറ്ററിലേക്ക് എത്തി. മികച്ച പ്രതികരണവും കളക്ഷനും നേടി ഇമൈക്ക നൊടികളും ബോക്സ് ഓഫീസില് മുന്നിരയില് തന്നെയുണ്ട്.
മായ, ഡോറ, അറം എന്നീ നയന്താര ചിത്രങ്ങള്ക്ക് പിന്നാലെ പൂര്ണമായും നയന്താര ചിത്രം എന്ന് വിശേഷിപ്പിക്കാവുന്ന ചിത്രമായി തിയറ്ററിലേക്ക് എത്തിയ കൊലമാവ് കോകില പ്രേക്ഷകരേയും നിരൂപകരേയും ഒരുപോലെ കൈയിലെടുത്തിരിക്കുകയാണ്. ഹാസ്യതാരം യോഗി ബാബുവാണ് ചിത്രത്തിലെ മറ്റൊരു പ്രധാന കഥാപാത്രം. അനിരുദ്ധ് ചിട്ടപ്പെടുത്തി വിഘ്നേശ് ശിവന് സംവിധാനം ചെയ്ത കൊകോ പ്രമോ സോംഗ് യൂടൂബില് തരംഗം സൃഷ്ടിച്ചിരുന്നു.
https://www.facebook.com/Malayalivartha