എട്ട് മത്സരാർത്ഥികളുമായാണ് ചാനൽ ഷോ പുരോഗമിക്കുന്നത്. ഇനി മൂന്നാഴ്ചകൾ മാത്രമാണ് ഷോ ഉള്ളത്. അതിനിടയിൽ സംഭവ ബഹുലമായ കാര്യങ്ങളാണ് ബിഗ്‌ബോസ് വീട്ടിൽ അരങ്ങേറുന്നത്. ബിഗ്‌ബോസ് വീട്ടിലെ സമ്മർദ്ദം താങ്ങാൻ കഴിയാതെ ഷിയാസ് മതിൽ ചാടി രക്ഷപ്പെടാനുള്ള ശ്രമം നടത്തുകയാണ്.

ഇന്നത്തെ എപ്പിസോഡിനിലെ പ്രമോ വീഡിയോയിലാണ് താരത്തിന്റെ സാഹസികം കാണിക്കുന്നത്. എനിക്ക് മടുത്തു ഇവിടെ. ഞാൻ പോകുകയാണെന്ന് ബിഗ്‌ബോസിനോട് ഷിയാസ്. അവൻ വീട്ടിലേക്കല്ലേ പോകുന്നെ പോണെങ്കിൽ പോട്ടെയെന്ന് പേർളി. അതിഥി ഷിയാസിനെ സമാധാനിപ്പിക്കാൻ ശ്രമിക്കുന്നുണ്ടെങ്കിലും അതൊന്നും കേൾക്കാൻ ഷിയാസ് കൂട്ടാക്കുന്നില്ല.

തമാശ തമാശയായി എടുക്കണമെന്നാണ് സാബുവിന്റെ വാദം. എന്നെ വീട്ടിൽ പോകാൻ അനുവദിക്കണം അല്ലെങ്കിൽ മതിൽച്ചാടി പോകുമെന്ന് പറഞ്ഞശേഷം മതിലച്ചാടി കടക്കാനുള്ള ശ്രമം നടത്തുകയാണ് ഷിയാസ്. അതേസമയം മറ്റു മത്സരാർത്ഥികളൊക്കെ ഷിയാസിനെ പിന്തിരിപ്പിക്കാൻ ശ്രമം നടത്തുന്നുണ്ട്. മതിൽ ചാടരുത് കേസ് ആകുമെന്നും മത്സരാർത്ഥികൾ പറയുന്നുണ്ട്.

ഇതൊന്നും വക വയ്ക്കാതെ ഇവിടെ നിന്ന് രക്ഷപ്പെടാനുള്ള ശ്രമത്തിലാണ് ഷിയാസ്. എന്തായാലും ഇന്നത്തെ എപ്പിസോഡ് കണ്ടു തന്നെ അറിയാം ഇത് ടാസ്കിന്റെ ഭാഗമാണോ അതോ ഷിയാസ് രക്ഷപെടാൻ ശ്രമിക്കുകയാണോ എന്നുള്ള സത്യം.