ശൈലജാറെഡ്ഡി അല്ലുഡുവില് കാണികളെ പിടിച്ചിരുത്തിയതിന് കാരണം രമ്യാ കൃഷ്ണന്
നാഗ് ചൈതന്യയും അനു ഇമ്മാനുവേലും നായികാ നായകന്മാരാവുന്ന ശൈലജാറെഡ്ഡി അല്ലുഡു ഈയാഴ്ച തിയേറ്ററിലെത്തിയിരുന്നു. രമ്യ കൃഷ്ണന് മറ്റൊരു പ്രധാനവേഷത്തില് വരുന്ന സിനിമകൂടിയാണ് ശൈലജാറെഡ്ഡി അല്ലുഡു.
ശിവകാമിദേവിയെ പോലെ കണ്ണില് തീ പറക്കുന്ന രമ്യ കൃഷണന്റെ പടം തെലുങ്ക് പോസ്റ്ററില് കണ്ടാണ് ശൈലജാറെഡ്ഡി അല്ലുഡു എന്ന സിനിമ ശ്രദ്ധിക്കുന്നത് ഗൂഗിളില് നോക്കിയപ്പോള് ടൈറ്റിലില് പറയുന്ന ശൈലജാറെഡ്ഡി രമ്യ കൃഷ്ണന് തന്നെയാണ്. ശൈലജാറെഡ്ഡി അല്ലുഡു എന്നു വച്ചാല് ശൈലജാറെഡ്ഡിയുടെ മരുമകന് എന്നാണര്ത്ഥം.
നീലാംബരിയെയും ശിവകാമിയെയും ഉടലിലും ചലനങ്ങളിലും അവശേഷിപ്പിക്കുന്ന ശൈലജാ റെഡ്ഡിയായുള്ള രമ്യാ കൃഷ്ണന്റെ തീപാറുന്ന പെര്ഫോമന്സ് മാത്രമാണ് പടത്തിന്റെ ഏക ഹൈലൈറ്റ്.
കൊടുവാളായ അമ്മായിയമ്മയും മരുമകനും തമ്മിലുള്ള രസകരമായ താന്ബപോരിമപ്പോരുകള് വിഷയമാക്കി മാപ്പിളൈ, ഘരാനമൊഗുഡു, മന്നന്, മിസ്റ്റര് മരുമകന്, ലാഡ്ല, അനുരാഗ അരാലിത്തു തുടങ്ങി ഊട്ടനവധി സിനിമകള് വിവിധ ഭാഷകളില് വന്നിട്ടുണ്ടെങ്കിലും അക്കൂട്ടത്തില് ഏറ്റവും മോശമായ ഉള്ളടക്കവും പരിചരണവും ആണ് ശൈലജാറെഡ്ഡിയുടെ മരുമകന്റേത്. ശുദ്ധബോറ്.
https://www.facebook.com/Malayalivartha