ഇന്ത്യന്‍ സിനിമ കണ്ടതില്‍ വച്ച് ഏറ്റവും വലിയ സിനിമയായ തഗ്‌സ് ഓഫ് ഹിന്ദുസ്ഥാനുവേണ്ടിയുള്ള കാത്തിരിപ്പിലാണ് ആരാധകര്‍. കടല്‍ക്കൊള്ളക്കാരുടെ കഥ പറയുന്ന ചിത്രത്തില്‍ ആമിറിന് പുറമെ അമിതാഭ് ബച്ചനും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ഇപ്പോള്‍ ചിത്രത്തിന്റെ ആദ്യ പോസ്റ്റര്‍ അധികൃതര്‍ പുറത്തുവിട്ടു.

ഖുഗാബക്ഷ എന്ന കഥാപാത്രമായാണ് ബിഗ് ബി തിരശ്ശീലയില്‍ എത്തിയത്. അമീര്‍ഖാന്‍ സ്വന്തം ട്വിറ്റര്‍ അക്കൗണ്ടിലൂടെയും വീഡിയോ ഷെയര്‍ ചെയ്തിട്ടുണ്ട്. ഏറ്റവും വലിയ തഗ്ഗ് എന്നടിക്കുറുപ്പുമായാണ് ആമിര്‍ പോസ്റ്റര്‍ പുറത്തിറക്കിയിരിക്കുന്നത്. ഒരു പടയാളിയുടെ വേഷത്തിലാണ് അമിതാഭ് ചിത്രത്തിലുള്ളത്.

വിജയ് കൃഷ്ണ ആചാര്യ എഴുതി സംവിധാനം ചെയ്യുന്ന ആദിത്യ ചോപ്രയാണ് നിര്‍മ്മിക്കുന്നത്. ചിത്രം യഷ് രാജ് ഫിലിംസാണ് അവതരിപ്പിക്കുന്നത്.