കേരളത്തിലെ പുരുഷന്‍മാര്‍ക്ക് എപ്പോഴും അല്‍പം തടിയുള്ള സ്ത്രീകളെയാണ് ഇഷ്ടമെന്ന് റിമി ടോമി. മഴവില്ല് മനോരമയില്‍ സംപ്രേക്ഷണം ചെയ്യുന്ന ഒന്നും ഒന്നും മൂന്ന് എന്ന പരിപാടിക്കിടെയായിരുന്നു റിമി ടോമിയുടെ നര്‍മ്മ രൂപേണേയുളള പരാമര്‍ശം. കഴിഞ്ഞ ആഴ്ചയില്‍ ഷോയിലേയ്ക്ക് അതിഥിയെ സ്വാഗതം ചെയ്യുന്നതിനിടെയായിരുന്നു റിമ ഇങ്ങനെ പറഞ്ഞത്. മലയാളികളുടെ പഴയകാല പ്രിയ താരങ്ങളായിരുന്നു കഴിഞ്ഞ ആഴ്ചയിലെ ഷോയില്‍ പങ്കെടുത്തത്.

പരിപാടിയില്‍ അതിഥിയായി എത്തിയ പ്രിയ രാമനോട് പ്രിയയുടെ ഒരു കൂട്ടുകാരിയെ വിളിക്കാന്‍ പോകുകയാണ്. കൂട്ടുകാരി എന്നു പറഞ്ഞാല്‍ കുറച്ച് സീനിയറ് ആയിട്ട് വരും.ആട്ടക്കലാശം എന്ന സൂപ്പര്‍ഹിറ്റ് ലാലേട്ടന്‍ ചിത്രത്തിലായിരുന്നു ഇവര്‍ ആദ്യമായി വന്നത്. ആട്ടക്കലാശത്തിലെ മുത്താണ് ഇവര്‍. ഇന്നത്തെ പോലെ സ്ലിംബ്യൂട്ടി ഒന്നും അല്ല. അവര്‍ വന്നാല്‍ ഒരു ഒന്നൊന്നര ആളായിരുന്നു ഇവര്‍. 

നടി ചിത്ര അതിഥിയായി എത്തിയതോടെയായിരുന്നു റിമിടോമിയുടെ കമന്റ് വന്നത്. ' നമ്മുടെ പുരുഷന്മാരുടെ ടേസ്റ്റ് ഇപ്പോഴും മാറിയിട്ടില്ല. ഇത്തിരി തടിയുള്ളവരെ ഇപ്പോഴും ഇഷ്ടമാണ്. അയ്യോ ഞാന്‍ എന്റെ കാര്യം ഒന്നുമല്ല ഉദ്ദേശിച്ചതെന്നും റിമി കൂട്ടത്തില്‍ ഗോളടിച്ചു. എന്നിട്ടും ചിത്രയെ കുറിച്ചുള്ള വര്‍ണ്ണന തുടരുകയായിരുന്നു. ആ കാലഘട്ടത്തിലുള്ള ആണുങ്ങള്‍ക്ക് ആ പേര് കേള്‍ക്കുമ്പോള്‍ ഇപ്പോഴും കോരിത്തരിപ്പാണെന്നും റിമ പറഞ്ഞു' .