ലക്ഷ്മി ചേച്ചിയുടെ ആരോഗ്യസ്ഥിതി എങ്ങനാ എന്നു ഒരുപാടു സുമനസുകൾ ചോദിക്കുന്നുണ്ട്, ചേച്ചിയുടെ മുറിവുകളും, ഒടിവുകളും എല്ലാം ഭേദമായി വരുന്നു... ബാലു അണ്ണൻ ഇല്ലാത്ത അനന്തപുരിയോട് വിടചൊല്ലി ഇഷാൻ
ബാലഭാസ്ക്കറുമായി അടുത്ത ബന്ധമുള്ളയാളാണ് ഇഷാന് ദേവ്. അപ്രതീക്ഷിതമായുള്ള ആ വിയോഗം സൃഷ്ടിച്ച ശൂന്യതയിലാണ് ബാലുവിന്റെ സുഹൃത്തുക്കള്. ബാലുവും ജാനിയുമില്ലാത്ത ലോകത്ത് ലക്ഷ്മി എങ്ങനെ ജീവിക്കുമെന്ന ആശങ്കയായിരുന്നു കേരളക്കരയെ ഒന്നടങ്കം അലട്ടിയത്. അബോധാവസ്ഥയ്ക്കിടയില് ഇടയ്ക്ക് ബോധം വന്നപ്പോള് ലക്ഷ്മി അന്വേഷിച്ചത് മകളെയായിരുന്നു. പിന്നീട് ബാലു എവിടെയെന്നും അവര് തിരക്കിയിരുന്നു.
ലക്ഷ്മിയുടെ അമ്മയായിരുന്നു ആ വാര്ത്ത അറിയിച്ചത്. പ്രത്യേകിച്ച് പ്രതികരണമില്ലാത്ത അവസ്ഥയിലായിരുന്നു ലക്ഷ്മി. ഇതായിരുന്നു ഡോക്ടര്മാരെ ഭയപ്പെടുത്തിയതും. വെന്റിലേറ്റര് ഉള്പ്പടെയുള്ള സൗകര്യങ്ങളെല്ലാം സജ്ജമാക്കിയതിന് ശേഷമായിരുന്നു ആ ദുരന്തവാര്ത്തയെക്കുറിച്ച് ലക്ഷ്മിയെ അറിയിച്ചത്.
എന്നാലിപ്പോൾ ലക്ഷ്മിയുടെ ആരോഗ്യസ്ഥിതി പറഞ്ഞുകൊണ്ട് ഇഷാൻ എത്തിയിരിക്കുകയാണ്.
ഇഷാന്റെ ഫേസ്ബുക്ക് കുറിപ്പിലൂടെ...
ലക്ഷ്മി ചേച്ചിയുടെ ആരോഗ്യസ്ഥിതി എങ്ങനാ എന്നു ഒരുപാടു സുമനസുകൾ ചോദിക്കുന്നുണ്ട്,ചേച്ചിയുടെ മുറിവുകളും ,ഒടിവുകളും എല്ലാം ഭേദമായി വരുന്നു .എല്ലാവർക്കും അറിയാവുന്നത് പോലെ ശസ്ത്രക്രിയകളും,മരുന്നുകളുമായി ഇത്രയും ചുരുങ്ങിയ സമയം കൊണ്ട് എത്ര ഭേദമാകുമോ അത്രയും , ഒരുപാട് ചികിത്സയും,വിശ്രമവും ആവശ്യമാണ്.
ഒരുപാട് ആകുലതകളും,വേദനയും പരിചയമില്ലാത്ത ആളാണ് എനിക്കറിയാവുന്ന ലക്ഷ്മിചേച്ചി.ഇന്നലെ അമ്മയെ കണ്ടപ്പോഴും അമ്മ ഇതുതന്നെ ആവർത്തിച്ചു പറഞ്ഞു .മനശക്തി ആർജിക്കാൻ ഈ അവസ്ഥയിലെ ഒരു ഭാര്യക്ക് ,അമ്മക്ക് എങ്ങനെ കഴിയും എന്ന ചോദ്യം മാത്രം ഉള്ളിൽ വച്ച് "അളിയാ എന്തുവാടേ"എന്ന ആ വിളി കാത്തിരിക്കുന്ന ഷാനിൽ ഒരു അർദ്ധവിരാമം കുറിച്ച് ,ബാലു അണ്ണൻ ഇല്ലാത്ത അനന്തപുരിയോട് വിടചൊല്ലുന്നു.പ്രാർത്ഥനകൾ ഉണ്ടായിരിക്കണം ആ അമ്മക്കൊപ്പം.
https://www.facebook.com/Malayalivartha