നയന്താര മിഠായി കമ്പനി തുടങ്ങുന്നു
ചലച്ചിത്ര താരം നയന്താര മിഠായി കമ്പനി തുടങ്ങുന്നു. ജീവിതത്തിലല്ല, സിനിമയില്!
2010 ല് സിദ്ധിഖിന്റെ ബോഡിഗാര്ഡ് എന്ന ചിത്രത്തിനുശേഷമാണ് സിദ്ധിഖ്-മമ്മൂട്ടി ചിത്രമായ ഭാസ്കര് ദ റാസ്കയില് മിഠായി കമ്പനി നടത്തുന്ന സ്വയം സംരംഭകയായി നയന്താര വേഷമിടുന്നത്. നാലു വര്ഷങ്ങള്ക്കു ശേഷം മലയാളത്തില് മടങ്ങിയെത്തുമ്പോള് നയന്താര ആഹ്ലാദത്താല് മതിമറക്കുന്നു. ചിത്രത്തില് മമ്മൂട്ടിയുടെ നായികയാണ് നയന്താര. ഡിസംബറില് ചിത്രീകരണം ആരംഭിക്കുമെന്ന് സംവിധായകന് സിദ്ധിഖ് പറഞ്ഞു.
ഭാസ്കര് ദ റാസ്കല് ഒരു കുടുംബ ചിത്രമല്ല. എന്നാല് കുടുംബ ചിത്രത്തിന്റെ എല്ലാ ചേരുവകളും ചേര്ന്ന ഒരു ആക്ഷന് ത്രില്ലനാണ്. സിദ്ധിഖും മമ്മൂട്ടിയും ഒന്നിക്കുന്നതും ദീര്ഘനാളത്തെ ഇടവേളയ്ക്ക് ശേഷമാണ്. ക്രോണിക് ബാച്ച്ലറാണ് ഇവര് ഒരുമിച്ച ഒടുവിലത്തെ ചിത്രം.
തമിഴിലും തെലുങ്കിലും നയന്താര എറെ തിരക്കുള്ള താരമാണ്. കഴിഞ്ഞ പത്തു വര്ഷത്തിനിടയില് വിരലിലെണ്ണാവുന്ന ചിത്രങ്ങളില് മാത്രമാണ് നയന്താര അഭിനയിച്ചത്. ഭാസ്കര് ദ റാസ്കലില് ഒരു പിടി ബാലതാരങ്ങളും അഭിനയിക്കുന്നുണ്ട്. 10 നും 15 നുമിടയില് പ്രായമുള്ള ബാലതാരങ്ങളെയാണ് സിദ്ധിഖ് ലക്ഷ്യമിടുന്നത്.
ചിത്രം വലിയ പ്രതീക്ഷയാണെന്ന് സിദ്ധിഖ് പറയുന്നു. പുതുമയുള്ള വിഷയമാണ് ചിത്രത്തിന്റെ പ്രത്യേകത. മമ്മൂട്ടി അവതരിപ്പിക്കുന്ന കഥാപാത്രത്തിന്റെ വിശദാംശങ്ങള് പുറത്തു വിട്ടിട്ടില്ലെങ്കിലും സിദ്ധിഖ് ഒന്നുറപ്പിക്കുന്നു. പ്രേക്ഷകര് കൈയടിക്കും. സംശയമില്ല.
ഇത് സ്വയം സംരംഭകരുടെ കാലമായതിനാലാണ് നായികയെ സ്വയം സംരംഭക്കാരിയാക്കിയത്. മിഠായി കമ്പനിയാകുമ്പോള് മധുരം കൂടുമെന്നാണ് സിദ്ധിഖിന്റെ പക്ഷം. നയന്താരയ്ക്കാവുമ്പോള് മധുരം യഥേഷ്ടം വേണം.
കഥ കേട്ടപ്പോള് തന്നെ നയന്താര സമ്മതിച്ചു. മമ്മൂട്ടിയാണ് നായകനെന്ന് കേട്ടപ്പോള് അതിലേറെ സന്തോഷം. തമിഴിനെയും തെലുങ്കിനെക്കാള് വിഷയവൈദഗ്ദ്ധ്യവുമുള്ളത് മലയാളത്തിലാണെന്നും നയന്താര പറയുന്നു. നല്ല സിനിമ കാണണമെങ്കില് മലയാളത്തിലേക്ക് വരണമെന്നും നയന്സ് പറയുന്നു. അതിശക്തമായ കഥാപാത്രമാണ് ഭാസ്കറിലേതെന്നും നയന്സ് പറയുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha