കരിയറില്‍ ഇതുവരെ അവതരിപ്പിച്ചിട്ടില്ലാത്ത പോലീസ് വേഷവുമായി താര റാണി ഐശ്വര്യ റായ് എത്തുന്നു. രണ്ടു സിനിമകളിലാണ് ഐശ്വര്യ കാക്കി വേഷത്തിലെത്തുന്നത്. പ്രകാശ് ഝാ യുടെ ഗംഗാജല്‍ 2, സുജോയ് ഘോഷിന്റെ ദുര്‍ഗാ റാണി സിംഗ് എന്നിവയാണ് ഐശ്വര്യ പോലീസ് വേഷം ചെയ്യുന്നത്. 

രണ്ടു സിനിമകളും സ്ത്രീപക്ഷ സിനിമകളാണെന്നും വിവരമുണ്ട്. രണ്ടു വേഷങ്ങളും മികച്ചതും വെല്ലുവിളി ഉയര്‍ത്തുന്നതുമാണെന്നാണ് ഐശ്വര്യയുടെ അഭിപ്രായം. അതേസമയം തുടര്‍ച്ചയായി രണ്ടു ചിത്രങ്ങള്‍ പോലീസ് വേഷത്തില്‍ വരുന്നത് ആവര്‍ത്തന വിരസത ഉണ്ടാക്കുമോ എന്നത് മാത്രമാണ് ഇപ്പോള്‍ ആശങ്ക.
ജസ്ബ എന്ന ചിത്രത്തിലൂടെയാണ് ഐശ്വര്യയുടെ രണ്ടാം മടങ്ങി വരവ് പ്രതീക്ഷിക്കുന്നത്. കൈ നിറയെ വേഷങ്ങളാണ് ഐശ്വര്യയെ കാത്തിരിക്കുന്നത്. 
ഇതിന് പുറമേ കരണ്‍ ജോഹറിന്റെ ആമീര്‍ഖാന്‍ ചിത്രത്തില്‍ ഐശ്വര്യ നായികയാകുമെന്ന് വാര്‍ത്തകളുണ്ട്. ആമിറും ഐശ്വര്യയും ഒരുമിച്ച് അഭിനയിക്കുന്ന ആദ്യ ചിത്രം കൂടിയായിരിക്കും ഇത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha