സുരേഷ് ഗോപിയുടെ ഓ മൈ ഗോഡ് എന്ന ചിത്രത്തില്‍ നിന്നും മിയ മാറിയെന്ന മലയാളി വാര്‍ത്ത സത്യമായി. ചിത്രത്തില്‍ ഹണിറോസാണ് സുരേഷ് ഗോപിയുടെ നായികയാകുന്നത്. അണിയറപ്രവര്‍ത്തകര്‍ ഇക്കാര്യം സ്ഥിരീകരിച്ചു.  തമിഴിലെ ചില തിരക്കുകള്‍ കാരണം മിയ പിന്മാറിയതോടെയാണ് നറുക്ക് ഹണി റോസിന് വീണത്. ചെറിയ നാളത്തെ ഇടവേളയ്ക്ക് ശേഷം ഹണിയുടെ തിരിച്ചുവരവ് കൂടെയാണ് മൈ ഗോഡ്.  ഒരു പീഡിയാട്രിക് സൈക്കോളജിസ്റ്റിന്റെ വേഷമാണ് ഹണി ചിത്രത്തില്‍ അവതരിപ്പിക്കുന്നത്. 

ചിത്രത്തില്‍ ആദിരാജ ഭട്ടതിരി എന്ന ഐ.ടി കമ്പനിയിലെ സി.ഇ ഒയാകും സുരേഷ് ഗോപി. അതേസമയം ഓടുന്ന സിനിമകള്‍ക്ക് മാത്രം സാറ്റലൈറ്റ് അവകാശം നല്‍കിയാല്‍ മതിയെന്ന ചാനലുകളുടെ തീരുമാനം സുരേഷ് ഗോപിക്ക് ഉള്‍പ്പെടെ തിരിച്ചടിയായി. സുരേഷ് ഗോപിക്ക് വലിയ സാറ്റലൈറ്റ് തുക ലഭിക്കാത്തതിനാല്‍ പലരും അദ്ദേഹത്തെ വെച്ച് പ്ലാന്‍ ചെയ്ത സിനിമകള്‍ താമസിപ്പിക്കുകയാണ്. മാളൂട്ടി ബാബു എന്നൊരു ചിത്രം അനൗണ്‍സ് ചെയ്ത് പൂജയും നടത്തിയിരുന്നു. എന്നാല്‍ സാറ്റലൈറ്റ് തുകയുടെ പ്രശ്‌നത്തെ തുടര്‍ന്ന് ചിത്രം ഉപേക്ഷിച്ചു.

കുട്ടികളുമായി ബന്ധപ്പെട്ട പ്രശ്‌നങ്ങളില്‍ ഇടപെടുന്ന കഥാപാത്രമാണ് ഹണി റോസിന്റേത്. എന്നാല്‍ മിയ പിന്മാറിയതോടെ ഷൂട്ടിംഗ് തുടങ്ങാന്‍ വൈകി.  അടുത്ത ആഴ്ച ചിത്രത്തിന്റെ ഷൂട്ടിങ് തുടങ്ങും ഈ വര്‍ഷം ആദ്യം ഫാഷന്‍ ഡിസൈനിങ് കോഴ്‌സ് പഠിക്കാനായി ഊട്ടിയില്‍ പോയതായിരുന്നു ഹണി റോസ്. അതിന് വേണ്ടി സിനിമയില്‍ നിന്ന് അവധിയുമെടുത്തു. എന്നാല്‍ അവിടെയുള്ള കര്‍ശന നടപടികള്‍ പിന്തുടരാന്‍ കഴിയാതെയായപ്പോള്‍ പഠനം ഉപേക്ഷിച്ചു മടങ്ങുകയായിരുന്നു.  ഹണി റോസിനെയും സുരേഷ് ഗോപിയെയും കൂടാതെ സനൂപ് സന്തോഷും ചിത്രത്തില്‍ മുഖ്യ വേഷത്തിലെത്തുന്നു.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha