നമ്മുടെ പല നടിമാരും പ്രണയത്തിലാണ്. എന്നാല്‍ കാമുകനാരെന്ന് ചോദിച്ചാല്‍ കൈമലത്തും. തന്റെ സ്വകാര്യതയാണെന്നും പിന്നീട് പറയാമെന്നും പറയും. എന്നാല്‍ ഇതൊക്കെ വെറും തട്ടിപ്പാണെന്നും വാര്‍ത്തകളില്‍ ഇടം നേടാനുള്ള തന്ത്രമാണെന്ന് പലര്‍ക്കും അറിയില്ല.  വീണ്ടും ഒന്നിയ്ക്കാന്‍ നയന്‍സും ചിമ്പവും, പ്രണയത്തില്‍ അല്ലെന്നും പിന്നീട് പ്രണയത്തിലാണെന്ന് സമ്മതിയ്ക്കുകയും ചെയ്ത തൃഷയും വാര്‍ത്തകളിലെ താരങ്ങളാണ്. ഇതിന് പിന്നാലെയാണ് പ്രണയത്തിലാണെന്ന് പറഞ്ഞ് പ്രീയാമണിയും എത്തിയിരിക്കുന്നത്. ഒരാളുമായി പ്രണയത്തിലാണെന്നും എന്നാല്‍ ആരാണ് അയാളെന്ന് ഇപ്പോള്‍ വ്യക്തമാക്കില്ലെന്നുമാണ് താരം പറയുന്നത്. സമയമാകുന്വോള്‍ എല്ലാം എല്ലാവരേയും അറിയിക്കും.  ഒരു ഡാന്‍സ് റിയാലിറ്റി ഷോയുടെ ജഡ്ജായ പ്രിയ  അവതാരകാനായ ഗോവിന്ദ് പത്മസൂര്യയുമായി പ്രണയത്തിലാണെന്ന് ഗോസിപ്പുണ്ടായിരുന്നു. പ്രണയം തുറന്ന് പറഞ്ഞ പ്രിയാമണി  ഗോവിന്ദുമായി പ്രണയത്തിലല്ലെന്നും നല്ല സുഹൃത്തു മാത്രമാണെന്നും  ആവര്‍ത്തിച്ചു. തന്നെ ചുറ്റിപറ്റി ഗോസിപ്പ് പരക്കുന്ന സാഹചര്യത്തിലാണ് പ്രിയയുടെ പ്രണയവാര്‍ത്ത. അംബരീഷ എന്ന ചിത്രത്തിലാണ് താരം അഭിനയിക്കുന്നത്. ദര്‍ശനാണ് ചിത്രത്തിലെ നായകന്‍. അല്‍പ്പം വില്ലത്തരമുള്ള കഥാപാത്രമാണ് തന്റേതെന്ന് പ്രിയ. ദര്‍ശനുമായി പഞ്ച് ഡയലോഗുകള്‍ ഉണ്ടെന്നും ദര്‍ശന്റെ ആരാധകര്‍ക്ക് തന്റെ കഥാപാത്രം ഇഷ്ടമാകുമോ എന്നുമാണ് പ്രിയയുടെ ഭയം. 
മലയാളത്തിലെ ഒരു യുവ നടനുമായി മുമ്പ് പ്രിയ പ്രണയത്തിലായിരുന്നെന്ന് വാര്‍ത്തകളുണ്ടായിരുന്നു. പിന്നീട് ഒരു സീനിയര്‍ സംവിധായകനുമായി അടുപ്പം ഉണ്ടായിരുന്നെന്നും കഥകളുണ്ടായിരുന്നു. പക്ഷെ, അതെല്ലാം ഗോസിപ്പുകളായതിനാല്‍ പ്രിയ പ്രതികരിച്ചിരുന്നില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha