മോഹന്‍ലാല്‍ മഞ്ജുവാര്യരെ ഇന്റര്‍വ്യൂ ചെയ്യുന്നു. ഒരുപാട് മാധ്യമപ്രവര്‍ത്തകരുടെ മുന്നില്‍ അഭിമുഖത്തിന് ഇരുന്നിട്ടുള്ള മോഹന്‍ലാലിന് പക്ഷെ, ഇതൊന്നും അത്ര പുത്തരിയല്ല. സത്യന്‍ അന്തിക്കാടിന്റെ പുതിയ ചിത്രത്തിന് വേണ്ടിയാണ് മോഹന്‍ലാല്‍ മഞ്ജുവിനെ ഇന്റര്‍വ്യു ചെയ്തത്. ചിത്രത്തില്‍ വനിതാരത്‌നം എന്ന മാസികയുടെ റിപ്പോര്‍ട്ടറായാണ് മോഹന്‍ലാല്‍ അഭിനയിക്കുന്നത്. കുടുംബക്കോടതിയിലെ അഭിഭാഷകയായ മഞ്ജുവാര്യരുടെ ദീപ എന്ന കഥാപാത്രത്തിന്റെ ജോലി തേടിയാണ് മോഹന്‍ലിലിന്റെ വിനീത് എത്തുന്നത്. ഇരുപത് വര്‍ഷമായി ഒരു മാസികയില്‍ ജോലി ചെയ്യുന്ന വിനീതിന് ജോലി മടുത്തു. ഇന്റര്‍വ്യൂ എങ്ങനെയും തരപ്പെടുത്തണമെന്നാണ് എഡിറ്റര്‍ ആവശ്യപ്പെട്ടിരിക്കുന്നത്. എന്നാല്‍ ഉഴപ്പനായ വിനീതിന് ഒട്ടും താല്‍പര്യമില്ല. ലണ്ടനില്‍ പഠിച്ച കല്യാണി മാഗസിന്റെ എഡിറ്ററായി ചാര്‍ജ് എടുത്തതോടെയാണ് പ്രശ്‌നങ്ങള്‍ തുടങ്ങിയത്. അവര്‍ക്ക് ഉഴപ്പനായ വിനീതിനെ ഇഷ്ടമല്ല. ഇന്റര്‍വ്യു ഫയല്‍ ചെയ്തില്ലെങ്കില്‍ പിരിച്ചുവിടുമെന്ന് കല്യാണി ഭീഷണിപ്പെടുത്തിയിരിക്കുകയാണ്. വിവാഹമോചിതയായ ദീപയ്ക്ക് ഇതിലൊന്നും താല്‍പര്യമില്ല. അവര്‍ക്ക് ഏഴ് വയസുള്ള ഒരു മകളുണ്ട്. അവളുടെ കാര്യത്തില്‍ മാത്രമാണ് ശ്രദ്ധ.
ദീപയുടെ ഇന്റര്‍വ്യൂ എടുക്കുന്നതോടെ വിനീത് അവരുമായി അടുക്കുകയും തുടര്‍ന്നുണ്ടാകുന്ന സംഭവങ്ങളുമാണ് ചിത്രത്തിന്റെ കഥ. രഞ്ജന്‍പ്രമോദ് തിരക്കഥ എഴുതുന്ന സിനിമ ആന്റണി പെരുമ്പാവൂരാണ് നിര്‍മിക്കുന്നത്. നീല്‍ ഡി കുണ ക്യാമറ നിര്‍വഹിക്കുന്നു. ഇന്നസെന്റ്, ലെന തുടങ്ങിയ വലിയ താരനിര തന്നെ ചിത്രത്തിലുണ്ട്. ചിത്രം വിഷുവിന് തിയറ്ററുകളിലെത്തും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha