സമൂഹത്തെക്കുറിച്ച് തുറന്ന് പറയുകയാണ് വിദ്യാബാലന്‍. പ്രായം കൂടുംതോറും സ്ത്രീകളുടെ സൌന്ദര്യവും ഊര്‍ജവുമെല്ലാം നഷ്ടപ്പെടും എന്നാണ് പൊതുവെ സമൂഹത്തിലുള്ള ഒരു ധാരണ. സമൂഹത്തിന്റെ ഈ കാഴ്ചപ്പാട് കാരണം സ്ത്രീകള്‍ പ്രായം പുറത്തുപറയാന്‍ തന്നെ മടിക്കും. എന്നാല്‍ ഇതില്‍നിന്നെല്ലാം വ്യത്യസ്തയാവുകയാണ് ബോളീവുഡ് താരസുന്ദരി വിദ്യ ബാലന്‍.

പ്രായം കൂടുംതോറും സ്ത്രീകളുടെ സൌന്ദര്യവും കുസൃതിയും കൂടും എന്നാണ് വിദ്യാബാലന്‍ പറയുന്നത്. 'ലൈംഗികത പോലും പ്രകടിപ്പിക്കാതെ ഒതുങ്ങിക്കൂടി ജീവിക്കാനാണ് സ്ത്രീകളെ പഠിപ്പിക്കുക. മുന്‍പ ഞാന്‍ ജീവിതത്തില്‍ വളരെ സീരിയസായിരുന്നു. ഇപ്പോല്‍ ഓരോ ചെറിയ കാര്യങ്ങളിലും ഞാന്‍ സന്തോഷിക്കുകയും ആഘോഷിക്കുകയും ചെയ്യാറുണ്ട്' വിദ്യ ബാലന്‍ പറഞ്ഞു.

പ്രായം കൂടുംതോറും സ്ത്രീകള്‍ സമൂഹത്തെക്കുറിച്ച് ചിന്തിക്കുന്നത് അവസാനിപ്പിച്ച് സ്വന്തം ജീവിതത്തെ കുറിച്ച് ചിന്തിക്കാന്‍ തുടങ്ങും. ഇരുപതുകളില്‍ സ്വപ്നങ്ങളെ സ്‌നേഹിച്ചു.

മുപ്പതുകളില്‍ സ്വയം തിരിച്ചറിഞ്ഞു. ഇനി നാല്‍പ്പതുകളില്‍ സ്വയം സ്‌നേഹിച്ച് ജീവിക്കുമെന്നും വിദ്യ ബാലന്‍ പറയുന്നു.