അപകടത്തിനു ശേഷം അഭിനയത്തിലേക്ക് തിരികെ വരികയാണ് നടൻ ജഗതി ശ്രീകുമാർ. പരസ്യ ചിത്രത്തിലൂടെയാണ് താരത്തിന്റെ തിരിച്ച് വരവ്. ഈ അറിയിപ്പിന് ശേഷം ജഗതി ശ്രീകുമാറിന്റെ പേരില്‍ ഫെയ്‌സ്ബുക്കില്‍ സജീവമായ അക്കൌണ്ടിലേക്ക് ആരാധകരുടെ ഒഴുക്കായിരുന്നു. എന്റെ പപ്പയെ സ്‌നേഹിക്കുന്നവരെങ്കിലും ഇങ്ങനെയുള്ള കാര്യങ്ങൾ പ്രോത്സാഹിപ്പിക്കാതിരിക്കാൻ ശ്രദ്ധിക്കണം; ജഗതി ശ്രീകുമാറിന്റെ പേരില്‍ സജീവമായിട്ടുള്ള ആ ഫേക്ക് ഫേസ്ബുക്ക്പേജിൽ പ്രത്യക്ഷപ്പെട്ട വ്യാജ വാർത്തയെക്കുറിച്ച് ജഗതിയുടെ മകള്‍ പാര്‍വതി രംഗത്തെത്തിയിരിക്കുകയാണ്.

ജഗതി ശ്രീകുമാറിന്റെ പേരില്‍ സജീവമായിട്ടുള്ള ആ ഫേസ്ബുക്ക് പേജില്‍ കഴിഞ്ഞദിവസം 'ജഗതി തിരശ്ശീലയിലേയ്ക്ക് തിരിച്ചു വരുന്നു' എന്നതുള്‍പ്പെടെയുള്ള പോസ്റ്റുകള്‍ പ്രത്യക്ഷപ്പെട്ടിരുന്നു. എന്നാല്‍, ഇത് വ്യാജ അക്കൗണ്ടാണെന്നും ഇത്തരം അക്കൗണ്ടുകള്‍ പ്രോത്സാഹിപ്പിക്കാതിരിക്കാന്‍ ശ്രമിക്കണമെന്നും പാര്‍വതി തന്റെ ഫേസ്ബുക്ക് പേജില്‍ വ്യക്തമാക്കി. തിരിച്ചുവരവ് കാത്തിരിക്കുമ്ബോഴാണ് ആരാധകരെ ആവേശത്തിലാക്കിയാണ്ജഗതി ശ്രീകുമാര്‍ അഭിനയത്തിലേക്ക് തിരിച്ചുവരുന്നുവെന്ന വാര്‍ത്ത പുറത്തുവന്നത്.

താരത്തിന്റെ തിരിച്ചുവരവിനെ സ്വാഗതം ചെയ്തും ആശംസകളര്‍പ്പിച്ചും താരങ്ങളുള്‍പ്പടെ നിരവധി പേര്‍ രംഗത്ത് വരികയും ചെയ്തു. ഇതിന് പിന്നാലെയാണ് ജഗതിയുടെ പേരിലുള്ള ഫേസ്ബുക്ക് പേജും തിരിച്ചുവരവിനെ കുറിച്ചുള്ള ട്രോളുകളും വൈറലായത്. നിരവധി പേര്‍ അത് താരത്തിന്റെ തന്നെ ഔദ്യോഗിക പേജാണെന്ന് കരുതി പേജില്‍ പോസ്റ്റുകള്‍ ഷെയര്‍ ചെയ്യുകയും ചെയ്തിരുന്നു.

പാര്‍വതിയുടെ ഫേസ്ബുക്ക് കുറിപ്പിലൂടെ...

എല്ലാവർക്കും നമസ്കാരം.

പ്രമുഖ വ്യക്തികളുടെ പേരിൽ വ്യാജ അക്കൗണ്ട് ഉണ്ടാക്കൽ ഒരു തമാശ ആയി മാറിയിരിക്കുകയാണ്. ഇതാ ഇപ്പോൾ പപ്പയുടെ പേരിലും ഒത്തിരി വ്യാജ അക്കൗണ്ടുകൾ ഫേസ്ബുക്കിൽ കണ്ടുതുടങ്ങി. ഒപ്പം ഇതിലെ വ്യാജ വാർത്തകളും..,ഈ താഴെ കൊടുത്തിരിക്കുന്ന അക്കൗണ്ടും ഇതിലെ വാർത്തകളും വ്യാജമാണ്.പപ്പക്ക് നിലവിൽ ഫേസ്ബുക്കിൽ ഒഫീഷ്യൽ ആയി അക്കൗണ്ട് ഒന്നും തന്നെ ഇല്ല .അതുകൊണ്ട് ദയവുചെയ്ത് ഇതുപോലത്തെ വ്യാജ അക്കൗണ്ടുകളും ,ഇതിൽ വരുന്ന വ്യാജ വാർത്തകളും പ്രോത്സാഹിപ്പിക്കാതിരിക്കാൻ കഴിവതും പപ്പയെ സ്നേഹിക്കുന്ന എല്ലാവരും ശ്രമിക്കുമല്ലോ ...
Thank you...