ദിലീപേട്ടനെ നിര്‍ദേശിച്ചത് ലാലേട്ടന്‍; വെളിപ്പെടുത്തലുമായി അജു വര്‍ഗീസ്
സംവിധായകന്‍ ബി ഉണ്ണികൃഷ്ണനും നടന്‍ ദിലീപും ആദ്യമായി ഒന്നിക്കുന്ന കോടതി സമക്ഷം ബാലന്‍ വക്കീല്‍ നാളെ പ്രദര്‍ശനത്തിന് എത്തുകയാണ്. മംമ്ത മോഹന്‍ദാസ്, പ്രിയാ ആനന്ദ്, അജു വര്‍ഗീസ്, സുരാജ്, സിദ്ധീഖ്, ഹാരിഷ് ഉത്തമന്‍, രഞ്ജി പണിക്കര്‍, ദിനേഷ് പണിക്കര്‍ അടക്കം വന്‍ താരനിരയാണ് ചിത്രത്തില്‍ അണിനിരക്കുന്നത്.
ചിത്രത്തിന്റെ റിലീസുമായി ബന്ധപ്പെട്ട് നടന്‍ അജു വര്‍ഗീസ് നടത്തിയ വെളിപ്പെടുത്തലാണ് ഇപ്പോള്‍ ചര്‍ച്ചയാകുന്നത്. നാല് വര്‍ഷങ്ങള്‍ക്ക് മുമ്പ് കഥ കേട്ട ശേഷം ലാലേട്ടനാണ് ചിത്രത്തിലെ നായകനായി ദിലീപിനെ നിര്‍ദേശിച്ചത് എന്ന് ഇന്‍സ്റ്റാഗ്രാം പോസ്റ്റിലൂടെയാണ് അജുവര്‍ഗീസ് വെളിപ്പെടുത്തിയത്.
ബാലകൃഷ്ണന്‍ എന്ന സംസാരവൈകല്യമുളള വക്കീലായാണ് ചിത്രത്തില്‍ ദിലീപ് എത്തുന്നത്. മംമ്ത മോഹന്‍ദാസാണ് ദിലീപിന്റെ നായിക. കോമഡി, ്രൈകം, ത്രില്ലര്‍, ആക്ഷന്‍ എല്ലാം ഉള്‍പ്പെടുത്തിയ ഒരു ഫാമിലി എന്റര്‍ടൈനറാണ് ചിത്രം. ഗോപീ സുന്ദറും രാഹുല്‍ രാജും ചേര്‍ന്നാണ് ചിത്രത്തില്‍ സംഗീതം നിര്‍വഹിക്കുന്നത്. ചിത്രത്തില്‍ ആക്ഷന്‍ നിര്‍വഹിക്കുന്നത് റാം ലക്ഷ്മണ്‍, സ്റ്റണ്ട് ഷിവ, മാഹിയ ശശി, സുപ്രീം സുന്ദര്‍ എന്നിവരാണ്. അഖില്‍ ജോര്‍ജ് ഛായാഗ്രഹണം നിര്‍വഹിക്കുന്ന ചിത്രത്തില്‍ ഷമീര്‍ മുഹമ്മദ് എഡിറ്റിംഗ് നിര്‍വഹിക്കുന്നു.
https://www.facebook.com/Malayalivartha
