മകള്ക്ക് ജന്മദിനാശംസകള് നേര്ന്ന് ആര്യ
ജീവിതത്തിലെ ഏറ്റവും വിലപിടിപ്പുള്ള സമ്മാനം അനുഗ്രഹമായി ലഭിച്ചിട്ട് ഇന്നേക്ക് ഏഴു വര്ഷമാകുന്നുവെന്ന് മകള്ക്ക് ജന്മദിനാശംസകള് നേര്ന്ന് ആര്യ തന്റെ ഇന്സ്റ്റാഗ്രാമില് കുറിച്ചു.താനൊരു 'സിംഗിള് മദര്' ആണെന്ന് അവതാരകയും നടിയുമായ ആര്യ നേരത്തെ പറഞ്ഞിരുന്നു.
ആര്യയുടെ സ്വകാര്യ ജീവിത്തെക്കുറിച്ചുള്ള ചോദ്യങ്ങള്ക്കിടയില് കന്യകയാണോ എന്ന ആരാധകന്റെ ചോദ്യത്തിനു മറുപടിയായാണ് വിവാഹ മോചനത്തെക്കുറിച്ചും മകളെക്കുറിച്ചും ആര്യ വെളിപ്പെടുത്തിയത്. ഭര്ത്താവുമായി വേര്പിരിഞ്ഞാണു കഴിയുന്നതെന്നും രണ്ടു പേരും ചേര്ന്നാണു കുഞ്ഞിനെ വളര്ത്തുന്നതെന്നും ആര്യ അന്നു വ്യക്തമാക്കി.
മകള്ക്ക് ജന്മദിനാശംസകള് നേര്ന്ന് താരത്തിന്റെ കുറിപ്പ്.
''ജീവിതത്തിലെ ഏറ്റവും വിലപിടിപ്പുള്ള സമ്മാനം അനുഗ്രഹമായി ലഭിച്ചിട്ട് ഇന്നേക്ക് ഏഴു വര്ഷമാകുന്നു. എന്റെ രക്തത്തിന്റെ ഭാഗമായ ഓമന മകള് വളര്ന്ന് ദൈവത്തിന്റെ സുന്ദരമായ സൃഷ്ടികളില് ഒന്നായതു കാണുമ്പോള് സന്തോഷവും അഭിമാനവും തോന്നുന്നു. എന്റെ എല്ലാ വേദനയും ബുദ്ധിമുട്ടുകളും ഈയൊരു സന്തോഷത്തിനു വേണ്ടിയായിരുന്നു.
അവള് എന്റെ അച്ഛനെപ്പോലെ വളരുന്നത് മാറി നിന്നു നോക്കി കാണുക മാത്രമാണ് ഇനി ചെയ്യാനുള്ളത്. പ്രിയപ്പെട്ടവരെ, നിങ്ങളുടെ പ്രിയപ്പെട്ട റോയകുട്ടിക്ക് ഇന്ന് 7 വയസ്സാകുന്നു. നിങ്ങളുടെ പ്രാര്ഥനയില് അവളെ ഓര്ക്കുക. എന്നത്തേയും പോലെ അവളെ സ്നേഹിക്കുക. എന്റെ കുട്ടിക്ക് ജന്മദിനാശംസകള്'' ആര്യ കുറിച്ചു.
തിങ്കളാഴ്ചയായിരുന്നു ആര്യയുടെ മകള് റോയയുടെ ഏഴാം പിറന്നാള്. റോയയെ ചുംബിക്കുന്ന ഒരു ചിത്രത്തോടൊപ്പമാണ് ആര്യ ഇന്സ്റ്റാഗ്രാമില് പിറന്നാള് ആശംസകള് നേര്ന്ന് കുറിപ്പിട്ടത്.
https://www.facebook.com/Malayalivartha