അവാര്ഡ് ദാന ചടങ്ങിനെത്തിയ സാനിയയ്ക്കെതിരെ വിമര്ശനവുമായി ആരാധകര്...
ചുരുങ്ങിയ സമയം കൊണ്ടു തന്നെ പ്രേക്ഷകരുടെ മനംകവരാന് സാധിച്ച നടിയാണ് സാനിയ ഇയ്യപ്പന്. ക്വീന് എന്ന ചിത്രത്തിലൂടെയാണ് താരം മലയാള സിനിമയിലേക്ക് എത്തിയത്. എന്നാല് ഇപ്പോഴിതാ പ്രേക്ഷകരുടെ വിമര്ശനങ്ങള് ഏറ്റുവാങ്ങുകയാണ് സാനിയ. ഏഷ്യവിഷന് അവാര്ഡ് ദാന ചടങ്ങിനെത്തിയപ്പോള് ധരിച്ചിരുന്ന വസ്ത്രമാണ് സാനിയക്ക് പാരയായത്.
മികച്ച നവാഗത നടിക്കുള്ള പുരസ്കാരം വാങ്ങുന്നതിനായിരുന്നു താരം ഗ്ലാമര് ലുക്കിലെത്തിയത്. പുരസ്കാരത്തിന് പുറമെ ബോളിവുഡ് താരം രണ്വീര് സിംഗിനൊപ്പം സാനിയ ചുവടുവെക്കുകയും ചെയ്തിരുന്നു. തുടര്ന്ന് പുരസ്കാര ചടങ്ങിലെ ചിത്രങ്ങള് താരം സമൂഹമാദ്ധ്യമങ്ങളില് പങ്കുവെച്ചതോടെ കാര്യങ്ങള് മാറി.ഗ്ലാമര് വേഷത്തിലെത്തിയ താരത്തിന്റെ ചിത്രങ്ങളെ വിമര്ശിച്ച് നിരവധി പേരാണ് കമന്റ് ബോക്സില് എത്തിയത്. പലരും സാനിയയെ ആക്ഷേപിച്ചും പരിഹസിച്ചും കമന്റുകള് ചെയ്തു.
എന്നാല് ഇത്രയും ചെറിയ പ്രായത്തില് വലിയ ഉയരങ്ങളിലെത്താന് കഴിഞ്ഞ സാനിയയെ പിന്തുണച്ച് നിരവധി ആരാധകരും രംഗത്തെത്തിയിരുന്നു. മോഡേണ് വസ്ത്രങ്ങള് ധരിച്ചതിന് സാനിയക്കെതിരെ നേരത്തേയും വിമര്ശനങ്ങള് ഉയര്ന്നിരുന്നു. എന്നാല് ഇതൊന്നും കണ്ടില്ലെന്ന മട്ടിലാണ് താരം.
https://www.facebook.com/Malayalivartha