ഷാരുഖിനോട് ഞാനത് ചോദിക്കും, എന്റെ വീട്ടില് വെച്ചാണെങ്കില് തല്ലുകയും ചെയ്യും: ജയാ ബച്ചന്
ബച്ചന് കുടുംബത്തിലെ മറ്റെല്ലാവരിലും നിന്ന് വ്യത്യസ്തയാണ് ജയാ ബച്ചന്. അമിതാഭ്, അഭിഷേക്, ഐശ്വര്യ തുടങ്ങി മറ്റെല്ലാവരും പൊതുവേദികളില് വിവാദ പരാമര്ശങ്ങളില് നിന്ന് മാറി നില്ക്കാന് ശ്രമിക്കുമ്പോള് ഏതു വിഷയത്തിലും തന്റെ നിലപാടും അഭിപ്രായവും ജയ തുറന്നടിച്ച് പറയാറുണ്ട്. ഇത്തരത്തില് ഒരു അഭിമുഖത്തിനിടെ ഷാരുഖ് ഖാനെക്കുറിച്ച് ജയ പറഞ്ഞതാണ് ഇപ്പോള് വൈറലായിരിക്കുന്നത്.
ഷാരൂഖ് ഖാന് പ്രധാനവേഷത്തില് എത്തിയ ചല്തേ ചല്തേ എന്ന ചിത്രത്തില് ആദ്യം നായികയായി നിശ്ചയിച്ചിരുന്നത് ഐശ്വര്യ റായിയെ ആയിരുന്നു. എന്നാല് പിന്നീട് സല്മാന് ഖാന് സെറ്റില് വന്ന് പ്രശ്നം ഉണ്ടാക്കിയപ്പോള് സിനിമയില് നിന്ന് ഐശ്വര്യയെ മാറ്റി റാണി മുഖര്ജിയെ കാസ്റ്റ് ചെയ്തു. അത് അന്നത്തെ കാലത്ത് വലിയ വാര്ത്തയായിരുന്നു. 2008 ല് കത്രീന കൈഫിന്റെ പിറന്നാള് ആഘോഷത്തില് ഷാരൂഖും സല്മാനും തമ്മില് കൊമ്പുകോര്ക്കുകയും വഴക്കിനിടയില് ഐശ്വര്യയെക്കുറിച്ച് ഷാരൂഖ് മോശമായി എന്തോ പറഞ്ഞുവെന്നുമായിരുന്നു റിപ്പോര്ട്ടുകള്.
ഈ സംഭവത്തിന് ശേഷം ഒരു മാധ്യമത്തിന് നല്കിയ അഭിമുഖത്തില് ജയക്ക് ഇത് സംബന്ധിച്ചൊരു ചോദ്യം നേരിടേണ്ടി വന്നു. അപ്പോഴായിരുന്നു ജയയുടെ രസകരമായ പ്രതികരണം.
ഷാരൂഖ് എന്റെ ദൗര്ബല്യമാണ്. എന്നാല് ഇതെക്കുറിച്ച് അദ്ദേഹവുമായി സംസാരിക്കാന് എനിക്ക് കഴിഞ്ഞില്ല. അവസരം കിട്ടിയാല് ഷാരൂഖിനോട് ഞാന് സംസാരിക്കും. എന്റെ വീട്ടില് വെച്ചാണെങ്കില് ല്ലുകയും ചെയ്യും. കാരണം ഞാനും ഷാരൂഖും തമ്മിലുള്ള ബന്ധം അത്രയ്ക്ക് ആഴമുള്ളതാണ്, ജയ പറഞ്ഞു.
https://www.facebook.com/Malayalivartha