തല അജിത്തിന്റെ സിംപ്ലിസിറ്റിയെ ക്കുറിച്ച് എല്ലാവര്ക്കും അറിയാവുന്നതാണ്. താരജാഡകൾ ഇല്ലാത്ത, സ്മാർട്ഫോൺ ഉപയോഗിക്കാത്ത, ചുറ്റും ബോഡിഗാർഡുകളെ കൊണ്ടുനടക്കാത്ത തലയെ ആരാധകർ ഇത്രയും സ്നേഹിക്കുന്നതിനും കാരണം ഇതാണ്. തലയ്ക്കു പിന്നാലെ ഭാര്യ ശാലിനിയുടെ സിംപ്ലിസിറ്റി ആണ് ആരാധകർ ഏറ്റെടുത്തിരിക്കുന്നത്. വിവാഹശേഷം സിനിമയിലേയ്ക്ക് വന്നിട്ടില്ലെങ്കിലും ശാലിനിക്കിപ്പോഴും ആരാധർക്ക് കുറവൊന്നുമില്ല. താരത്തെ പുറത്തു കാണുമ്പോഴൊക്കെ സെൽഫി എടുക്കാനും സംസാരിക്കാനുമൊക്കെ നിരവധിപേരാണ് എത്തുന്നത്. അത്തരത്തിൽ ഒരു ആരാധകൻ എടുത്ത സെൽഫി ആണിപ്പോൾ വൈറലാകുന്നത്.

ശാലിനി ഉപയോഗിക്കുന്ന ഫോൺ ആണ് അതിന് കാരണമായി തീർന്നത്. കുട്ടികൾക്കിടയിൽ പോലും സ്മാർ ട്ട് ഫോൺ തരംഗമാകുന്ന ഈ കാലത്ത് ശാലിനി ഉപയോഗിക്കുന്നത് വളരെ സാധാരണയായ ഒരു ഫോണാണ്. 3310 മോഡൽ നോക്കിയ ഫോണാണ് ശാലിനിയുടെ പക്കലുള്ളത്. നടൻ അജിതും സ്മാർ ട്ട് ഫോൺ ഉപയോഗിക്കാറില്ലെന്ന് നേരത്തേ വാർ ത്തകളുണ്ടായിരുന്നു.

ഫാസിൽ സംവിധാനം ചെയ്ത അനിയത്തിപ്രാവിലൂടെ 1997ലാണ് ശാലിനി സിനിമയിൽ നായികയായി അരങ്ങേറ്റം കുറിക്കുന്നത്. ആ കാലഘട്ടത്തിൽ മലയാളത്തിലെ പ്രിയ നായികയെന്ന പദവി അലങ്കരിക്കുകയും ചെയ്ത നടിയാണ് ശാലിനി. 2001ൽ പുറത്തിറങ്ങിയ പിരിയാത വരം വേണ്ടും എന്ന ചിത്രത്തിലാണ് ശാലിനി അവസാനമായി അഭിനയിച്ചത്.