പ്രിയങ്കയെ സുപ്രധാന സ്ഥാനത്ത് നിന്ന് മാറ്റണമെന്ന് ആവശ്യം
ബോളിവുഡ് നടി പ്രിയങ്ക ചോപ്രയ്‌ക്കെതിരെ പരാതിയുമായി പാകിസ്താന്‍. താരത്തെ യുനിസെഫ് അംബാസിഡര്‍ സ്ഥാനത്ത് നിന്ന് മാറ്റണമെന്നാണ് പരാതിയില്‍ ആവശ്യപ്പെടുന്നത്. ബലിക്കോട്ടിലെ ഭീകര ക്യാമ്പുകളില്‍ ഇന്ത്യന്‍ വ്യോമസേന നടത്തിയ ആക്രമണത്തില്‍ സൈന്യത്തെ അഭിനന്ദിച്ച് ട്വിറ്ററില്‍ ജയ് ഹിന്ദ് എന്ന ട്വിറ്റ് ചെയ്തതാണ് പാക് പൗരന്മാരെ ചൊടിപ്പിച്ചിരിക്കുന്നത്.
യുനിസെഫിന്റെ ഗുഡ് വില്ല് അംബാസിഡര്‍ എന്ന നിലയില്‍ നിഷ്പക്ഷമായ നിലപാടായിരുന്നു താരം സ്വീകരിക്കേണ്ടിയിരുന്നതെന്നും എന്നാല്‍ താരം ഇന്ത്യന്‍ സൈന്യത്തിന് ജയ് വിളിക്കുകയാണ് ചെയ്തത്. പ്രിയങ്ക നിങ്ങള്‍ ഇനി ഈ പദവിയില്‍ ഇരിക്കാന്‍ അര്‍ഹയല്ലെന്നും ഓണ്‍ലൈന്‍ പെറ്റീഷനില്‍ പറയുന്നുണ്ട്.
പാക് ഭീകര്‍ക്കെതിരെ നടത്തിയ വ്യോമസേന ആക്രമണത്തില്‍ സൈനികര്‍ക്ക് ആശംസ നേര്‍ന്ന് ഇന്ത്യന്‍ സിനിമ ലോകം ഒന്നടങ്കം രംഗത്തെത്തിയിരുന്നു. താരങ്ങള്‍ സോഷ്യല്‍ മീഡിയയിലൂടെ തങ്ങളുടെ നിലപാട് അറിയിക്കുകയും ചെയ്തിരുന്നു. കൂടാതെ വിഷയത്തില്‍ പാക് നടപടിയോടുളള അതൃപ്തിയും താരങ്ങള്‍ അറിയിച്ചിരുന്നു.
https://www.facebook.com/Malayalivartha
