പ്രിയങ്കയെ വിവാഹം കഴിക്കുന്നത് ഞങ്ങളുടെ കുടുംബത്തിനിഷ്ടമില്ലായിരുന്നു; വെളിപ്പെടുത്തലുമായി നികിന്റെ സഹോദരന്‍
ലോകം ആഘോഷിച്ച വിവാഹമായിരുന്നു ബോളിവുഡ് നടി പ്രിയങ്ക ചോപ്രയുടെയും അമേരിക്കന്‍ ഗായകന്‍ നിക് ജൊനാസിന്റെയും. എന്നാല്‍ പ്രിയങ്കയെ നിക് വിവാഹം കഴിക്കുന്നത് തങ്ങളുടെ വീട്ടിലൊരാള്‍ക്ക് ഇഷ്ടമില്ലായിരുന്നെന്ന് വെളിപ്പെടുത്തിയിരിക്കുകയാണ് നികിന്റെ സഹോദരന്‍ കെവിന്‍ ജൊനാസ്.
ജെയിംസ് കോര്‍ഡ് അവതരിപ്പിക്കുന്ന ലേറ്റ് ലേറ്റ് ഷോയില്‍ പങ്കെടുക്കുമ്പോഴാണ് നിക്ക്- പ്രിയങ്ക വിവാഹതീരുമാനത്തെത്തുടര്‍ന്ന് കുടുംബത്തിലുണ്ടായ രസകരമായ സംഭവങ്ങളെക്കുറിച്ച് കെവിന്‍ മനസ്സു തുറന്നത്. തന്റെ ഇളയ മകള്‍ വാലന്റീനയ്ക്ക് ആദ്യമൊന്നും പ്രിയങ്കയെ ഒട്ടും ഇഷ്ടമല്ലായിരുന്നുവെന്നും നിക്കുമായി അവള്‍ ഒരുപാട് അടുപ്പം സൂക്ഷിച്ചതുകൊണ്ടാണ് ആദ്യമൊന്നും അവള്‍ക്ക് പ്രിയങ്കയെ അംഗീകരിക്കാന്‍ കഴിയാതിരുന്നതെന്നും കെവിന്‍ പറയുന്നു.
പ്രിയങ്കയെ അവള്‍ ആദ്യമായി കണ്ട നിമിഷം മുതല്‍ നിക്കിനെ നഷ്ടപ്പെടുമോയെന്നു ഭയന്ന് നിക്കിന്റെ കഴുത്തില്‍ ചുറ്റിപ്പിടിച്ചിരിക്കുകയായിരുന്നുവെന്നും കെവിന്‍ പറയുന്നു. പ്രിയങ്ക സ്‌നേഹത്തോടെ വാലന്റീനയെ ചേര്‍ത്തു പിടിക്കുന്ന സമയത്തൊക്കെ അവള്‍ ഒരു ദാക്ഷണ്യവുമില്ലാതെ അവരുടെ കൈ തട്ടിമാറ്റുമായിരുന്നുവെന്നും കെവിന്‍ പറയുന്നു. കുടുംബത്തില്‍ ഏറ്റവുമധികം ചര്‍ച്ച ചെയ്യുന്ന തമാശയിതാണെന്നും ഇരുവരും ഇപ്പോള്‍ കൂളാണെന്നും കെവിന്‍ പറയുന്നു.
വളരെ രസകരമായിരിക്കുന്നു എന്നാണ് സഹോദരന്റെ വെളിപ്പെടുത്തലിനോട് ചിരിച്ചു കൊണ്ട് നിക്ക് പ്രതികരിച്ചത്. സക്കര്‍ എന്ന ലേറ്റസ്റ്റ് ട്രാക്കിന്റെ പ്രമോഷന്‍ പരിപാടികള്‍ക്കായി ജെയിംസ് കോര്‍ഡെന്‍ അവതരിപ്പിച്ച ഷോയില്‍ സഹോദരങ്ങളോടൊത്ത് പങ്കെടുക്കാനെത്തിയതായിരുന്നു നിക്ക്. സക്കര്‍ എന്ന ട്രാക്ക് ഒരു കുടുംബകാര്യം കൂടിയാണെന്നാണ് നിക്കിന്റെ കുടുംബത്തിന്റെ പക്ഷം. ഇതില്‍ നിക്കിനൊപ്പം പ്രിയങ്കയും കെവിന്‍ ജൊനാസിനൊപ്പം ഭാര്യ ഡാനിയെലും ജോയ്‌ക്കൊപ്പം പ്രതിശ്രുത വധു സോഫിടര്‍ണറും സാന്നിധ്യമറിയിച്ചിട്ടുണ്ട്.
https://www.facebook.com/Malayalivartha
