ആരാധകരെ ഞെട്ടിച്ചുകൊണ്ട് സണ്ണി ലിയോണ്‍ ആണ്‍ വേഷത്തില്‍ വീണ്ടുമെത്തി. സണ്ണിയുടെ പുരുഷവേഷത്തിലെ ചിത്രങ്ങള്‍ നിമിഷങ്ങള്‍ക്കകമാണ് സോഷ്യല്‍ മീഡിയയില്‍ വൈറലായത്. അര്‍ബാസ് ഖാന്‍ നായകനാകുന്ന ചിത്രം തേരെ ഇന്തസാറിന് വേണ്ടിയാണ് സണ്ണിയുടെ മേക്കോവര്‍. ചിത്രത്തിലെ ഒരു ഗാനരംഗത്തിലാണ് പുരുഷ വേഷത്തില്‍ എത്തിയത്. സണ്ണി തന്നെയാണ് ചിത്രങ്ങള്‍ ആരാധകര്‍ക്കായി ട്വിറ്റര്‍ വഴി പങ്കുവച്ചത്.

ഒരു പുരുഷനാവാന്‍ അത്ര എളുപ്പമല്ല. പക്ഷേ, എന്റെ ടീം അത് സാധിച്ചെടുത്തു. ഞാന്‍ എന്റെ അച്ഛനെയും സഹോദരനെയും പോലിരിക്കുന്നു. അതാണ് ഏറ്റവും രസം എന്ന് കുറിച്ചുകൊണ്ടാണ് സണ്ണി ചിത്രങ്ങള്‍ പങ്കുവെച്ചത്.