ബിക്കിനി ചിത്രം സോഷ്യല്‍മീഡിയയില്‍ പങ്കുവച്ചതിന് സഹിക്കേണ്ടിവന്ന അപമാനം ചില്ലറയല്ല. സഹിച്ച് മടുത്തപ്പോള്‍ അവസാന അടവെടുത്തു. അപമാനിച്ചവരുടെ ചാറ്റുകള്‍ മുഴുന്‍ പുറത്തുവിട്ടു.അതോടെ അപമാനിക്കാന്‍ ശ്രമിച്ചവരൊക്കെ വാലുംപൊക്കി ഓടി. ക്‌ളൂവെയ്‌സ് ഹോര്‍ട്ടണ്‍ എന്ന യുവതിയാണ് അസാമാന്യ ധൈര്യം കാട്ടിയത്.

34000 ഫോളവേഴ്‌സുള്ള ഇന്‍സ്റ്റാഗ്രാമിലെ സൂപ്പര്‍ താരമാണ് ക്‌ളൂവെയ്‌സ്.ഒരു ബിക്കിനി ചിത്രം ഇന്‍സ്റ്റാഗ്രാമില്‍ പങ്കുവച്ചതോടെയാണ് രൂക്ഷമായ ആക്രമണത്തിന് ഇരയായത്. തടിച്ചി ,ഗുസ്തിക്കാരി എന്നുതുടങ്ങി അവയവങ്ങുടെ പേരെടുത്തുപറഞ്ഞ് അവഹേളിക്കുന്ന തരത്തിലായി കമന്റുകള്‍. പുരുഷന്മാര്‍ മാത്രമല്ല സ്ത്രീകളും കളിയാക്കലിന് മുന്നിലുണ്ടായിരുന്നു. കേട്ടാല്‍ അറയ്ക്കുന്ന തരത്തില്‍ ഏറ്റവും മാരകമായി കളിയാക്കിയതും അവരായിരുന്നു. ഉറ്റ സുഹൃത്തുക്കള്‍ പോലും ഇതിലുണ്ടായിരുന്നു.

കമന്റുകള്‍ കണ്ട് സഹികെട്ടതോടെയാണ് അനുഭവങ്ങള്‍ തുറന്നുപറയാനും പകല്‍മാന്യന്മാരുടെ തനിനിറം പുറത്തുകൊണ്ടുവരാനും തീരുമാനിച്ചത്. എന്തുവന്നാലും പിന്തിരിയില്ലെന്നും ഉറപ്പിച്ചു. അനുഭവങ്ങള്‍ തുറന്നുപറഞ്ഞതോടെ പിന്തുണ ഏറി. ചാറ്റുകള്‍ പരസ്യമാക്കിയതോടെ പിന്തുണ ശക്തമായി. മറ്റുള്ളവര്‍ നന്നായി നടക്കുന്നതും നല്ലവേഷംധരിക്കുന്നതും സഹിക്കാന്‍ കഴിയാത്തവരാണ് മോശം കമന്റുമായി എത്തുന്നത്. സ്വന്തം ശരീരത്തിന്റെ സൗന്ദര്യംപോലും ഇവര്‍ക്ക് കാണാനോ ആസ്വദിക്കാനോ കഴിയുന്നില്ലഇതായിരുന്നു ഭൂരിപക്ഷത്തിന്റെയും അഭിപ്രായം. അസൂയക്ക് ഇതുവരെ മരുന്നുകണ്ടുപിടിച്ചിട്ടില്ലെന്നും അതിനാല്‍ മോശം കമന്റുകള്‍ ശ്രദ്ധിക്കാതെ ധൈര്യപൂര്‍വം മുന്നോട്ടുപോകാനും ചിലര്‍ ഉപദേശിക്കുന്നുണ്ട്.