ഓൺ സ്‌ക്രീനിൽ ഉള്ള ഇഴുകിച്ചേർന്നുള്ള രംഗങ്ങൾ ഏറെ വെല്ലുവിളി ഉയർത്തിയിരുന്നു. ആളുകൾ അത് ഏറ്റെടുത്തതിൽ ഒത്തിരി നന്ദിയുണ്ട്. റൊമാൻസ് എല്ലാം വന്നതോടെ സീരിയൽ വേറൊരു തലത്തിലെത്തി. സീതയുടെയും ഇന്ദ്രന്റെയും റൊമാൻസിനെ പ്രേക്ഷകർ ഏറെ മിസ് ചെയ്‌തുവെന്നറിഞ്ഞപ്പോഴാണ് സീതയുടെ ഫാൻ ബേസ് മനസ്സിലാക്കിയത്. പ്രേക്ഷകരുടെ ആവശ്യപ്രകാരം തന്നെയാണ് ഇന്ദ്രൻ തിരിച്ചെത്തിയത്. സീതയുടെ ഫാൻസിനെ പോലെ ഞങ്ങളും ഏറെ ആവേശത്തിലാണ്. റേറ്റിംഗിൽ ഏറെ മുന്നിൽ നിൽക്കുന്ന സീത എന്ന സീരിയലിലൂടെ ടെലിവിഷൻ പ്രേക്ഷകരുടെ പ്രിയങ്കരിയായി തീർന്നിരിക്കുകയാണ് സ്വസിക. സീതയും ഇന്ദ്രനും തമ്മിലുള്ള കെമിസ്ട്രി തന്നെയാണ് പ്രേക്ഷകരെ സീതയുടെ ആരാധകരാക്കിയത്.

അതിനാൽ തന്നെ ഇന്ദ്രന് ഒരു റീ എൻട്രി അവർ കൊടുക്കുകയും ചെയ്‌തു. ഇരുവരും ഒന്നിച്ചുള്ള ഇഴുകിച്ചേർന്നുള്ള രംഗങ്ങളും ഏറെ ശ്രദ്ധ പിടിച്ചു പറ്റിയിരുന്നു. ഷാനവാസാണ് ഇന്ദ്രനെ അവതരിപ്പിക്കുന്നത്. സീതയെ കുറിച്ചുള്ള കൂടുതൽ വിവരങ്ങൾ പങ്ക് വെക്കുകയാണ് സ്വസിക. സീത ഇപ്പോൾ എന്റെ ഒരു അടുത്ത സുഹൃത്തായി മാറിയത് പോലെയാണ്. ഞാൻ പതിയെ സീതയായി മാറുകയാണോ എന്നും എനിക്ക് സംശയമുണ്ട്. കഴിഞ്ഞ മൂന്ന് വർഷമായി ഈ റോൾ ചെയ്യുന്നതിൽ എനിക്ക് വളരെയേറെ സന്തോഷമുണ്ട്. വെല്ലുവിളി ഉയർത്തുന്ന നിരവധി തലങ്ങൾ ഉള്ള കഥാപാത്രമാണ് സീത. അതിനാൽ തന്നെ കൂടുതൽ പരീക്ഷണങ്ങൾ നടത്താനും എന്നിലെ അഭിനേത്രിയെ കൂടുതൽ ബലപ്പെടുത്താനും സീതയെ കൊണ്ട് സാധിക്കുന്നു.