കഴിഞ്ഞ ഒരു വര്ഷമായി ഞങ്ങൾ രണ്ടുപേരും കൂടുതല് അകന്നു... റിമിയുമായുള്ള ദാമ്പത്യം എനിക്ക് നേടിത്തന്നത് ഭീമമായ ബാങ്ക് ബാധ്യതകളും ആദായനികുതി കുരുക്കുകളുമാണ്; സഹിക്കാവുന്നതിന്റെ പരമാവധി ഞാൻ സഹിച്ചു... ഇനി രണ്ടുപേർക്കും രണ്ടുവഴി; പരസ്പര സമ്മതപ്രകാരം സമര്പ്പിച്ച സംയുക്ത വിവാഹ മോചന ഹര്ജി അനുവദിച്ച് എറണാകുളം കുടുംബ കോടതി; പതിനൊന്ന് വർഷത്തെ ദാമ്പത്യജീവിതത്തിന് വിരാമം...
റോയ്സ് കിഴക്കൂടനുമായി 2008 ഏപ്രില് മാസത്തിലായിരുന്നു റിമി ടോമിയുടെ വിവാഹം. ഒരുമിച്ചുള്ള ജീവിതം സാധ്യമല്ലെന്നു ബോധ്യപ്പെട്ടതിനെത്തുടര്ന്ന് ഭര്ത്താവ് റോയ്സ് കിഴക്കൂടനുമൊത്ത് പരസ്പര സമ്മതപ്രകാരം സമര്പ്പിച്ച സംയുക്ത വിവാഹ മോചന ഹര്ജിയാണ് എറണാകുളം കുടുംബ കോടതി അനുവദിച്ചത്. ഏപ്രില് 16നാണ് ഇരുവരും സംയുക്ത വിവാഹമോചന ഹര്ജി ഫയല് ചെയ്തത്. അതേസമയം ഗായിക റിമി ടോമിയും ഭര്ത്താവ് റോയ്സും തമ്മില് വേര്പിരിയുകയാണെന്ന വാര്ത്ത വന്നത് ഏവരെയും ഞെട്ടിച്ചിരുന്നു. അടുത്തിടെ റിമിടോമി ചില വിവാദങ്ങളില് ഉള്പ്പെട്ടിരുന്നെങ്കിലും സെലിബ്രിറ്റി ലൈഫ് ഇഷ്ടമില്ലാത്ത ആളായിരുന്നു റോയ്സ്. വിവാഹമോചന ഹര്ജി നല്കിയശേഷം റിമിക്കെതിരേ ചില വെളിപ്പെടുത്തലുകള് റോയ്സ് നടത്തിയിരുന്നു.
പൂര്ണമായും ദാമ്പത്യപ്രശ്നം തന്നെയായിരുന്നു ഇരുവര്ക്കുമിടയിലേതെന്നും എന്നിട്ടും താന് പത്തുവര്ഷം പിടിച്ചുനിന്നത് തനിക്കും തന്റെ കുടുംബത്തിനും വേണ്ടി മാത്രമായിരുന്നുവെന്നുമാണ് റോയ്സിന്റെ പക്ഷം. കഴിഞ്ഞ ഒരു വര്ഷമായി രണ്ടുപേരും കൂടുതല് അകന്നു. റിമിയുമായുള്ള തന്റെ ദാമ്പത്യത്തില് തനിക്ക് നഷ്ടമായത് പന്ത്രണ്ടു കൊല്ലമാണെന്നും അതൊരിക്കലും തിരിച്ചുകിട്ടില്ലെന്നും റോയ്സ് പറഞ്ഞതായി റിപ്പോര്ട്ട് വന്നിരുന്നു. റിമിയുമായുള്ള ദാമ്പത്യം തനിക്ക് നേടിത്തന്നത് ഭീമമായ ബാങ്ക് ബാധ്യതകളും ആദായനികുതി കുരുക്കുകളുമാണ്. അതുകൊണ്ടുതന്നെയാണ് ഈ വിഷയത്തില് താന് പരമാവധി ആത്മസംയമനം പാലിച്ചതെന്നും റോയ്സ് പറയുന്നു.
വിവാഹത്തിന്റെ ആദ്യ മൂന്നുവര്ഷം മാത്രമാണ് താന് അവളുടെ വലുതല്ലാത്ത സമ്പാദ്യം കൈകാര്യം ചെയ്തിട്ടുള്ളൂവത്രേ. റിമിക്ക് ഡിവോഴ്സ് നിര്ബന്ധമായിരുന്നില്ല. തനിക്ക് ഇനിയും മുന്നോട്ട് പോകാനാവില്ലെന്നതുകൊണ്ടാണ് ഇപ്പോള് ഡിവോഴ്സ് നടന്നത്. സഹിക്കാവുന്നതിന്റെ പരമാവധി സഹിക്കുകയും താഴാവുന്നതിന്റെ പരമാവധി താഴ്ന്നതിനുശേഷം മാത്രമാണ് ഗത്യന്തരമില്ലാത്ത ഈ ഡിവോഴ്സ് എന്നും റോയ്സ് വ്യക്തമാക്കിയിരുന്നു.
ടെലിവിഷന് പരിപാടികളിലൂടെ ഗാന രംഗത്ത് സജീവമായ റിമി ടോമി ദിലീപ് ചിത്രം മീശ മാധവനിലെ ചിങ്ങമാസം എന്ന ഗാനം ആലപിച്ചതിലൂടെ ശ്രദ്ധേയയായി മാറി. പിന്നെ ടി.വി. ആങ്കറിങ്ങിലും, സ്റ്റേജ് ഷോയിലും സജീവ സാന്നിധ്യമായി മാറി. ബല്റാം വേഴ്സസ് താരാദാസ് എന്ന ചിത്രത്തിലെ അതിഥി വേഷത്തിലൂടെ അഭിനയ രംഗത്തെത്തി. ജയറാം ചിത്രം തിങ്കള് മുതല് വെള്ളി വരെ-യില് നായികാ കഥാപാത്രത്തെ അവതരിപ്പിച്ചു. ടെലിവിഷന് അവതാരക എന്ന നിലയിലും ഇപ്പോള് ശ്രദ്ധേയയാണ് റിമി. ഒന്നിലധികം ടെലിവിഷന് ചാനലുകളില് അവതാരകയായും ജഡ്ജസ് പാനലിലും റിമിയുണ്ട്.
https://www.facebook.com/Malayalivartha
