ബിഗ്ബോസ് താരങ്ങളെ അധികം ഉൾപ്പെടുത്താതെ പേളി ശ്രീനിഷ് വിവാഹം... പേളി വിളിച്ചില്ലെന്ന് ദിയ!!! രഞ്ജിനിയെ വിവാഹത്തിലേക്ക് ക്ഷണിച്ച മാണി പോള് അങ്കിളാണെന്ന് രഞ്ജിനി; താരങ്ങളുടെ പ്രണയം ഇരുവീട്ടുകാരോടും സംസാരിക്കാമെന്ന് ആദ്യം വാക്ക് കൊടുത്ത മോഹൻലാലിനെയും ഒഴിവാക്കിയോ?
മലയാളം റിയാലിറ്റി ഷോ ആയ ബിഗ് ബോസിന്റെ സെറ്റില് വച്ചാണ് പേളിയും ശ്രീനിഷും പ്രണയത്തിലാകുന്നത്. ബിഗ് ബോസ് സെറ്റില് വച്ച് പരസ്പരം പ്രണയം തുറന്നു പറഞ്ഞ ഇവര് എന്നു വിവാഹിതരാകുമെന്ന് കാത്തിരിക്കുകയായിരുന്നു ആരാധകര്.റിയാലിറ്റി ഷോ സെറ്റിലും അതിനു ശേഷവും ഏറെ ആഘോഷിക്കപ്പെട്ട പ്രണയമായിരുന്നു ഇരുവരുടെയും. പ്രണയം സത്യമാണോ എന്നും സംശയങ്ങളും ഗോസിപ്പുകളും പ്രചരിച്ചിരുന്നു. അവരെയൊക്കെ ഞെട്ടിച്ച് കൊണ്ടാണ് താരങ്ങൾ വിവാഹിതരായത്.
ബിഗ് ബോസില് എലിമിനേഷന് വേണ്ടി എത്തിയപ്പോഴായിരുന്നു മോഹന്ലാല് ശ്രീനിയോടും പേളിയോടും വിവാഹത്തെക്കുറിച്ച് ചോദിച്ചത്. ഇനിയുള്ള ജീവിതം ഒരുമിച്ചാവാന് ആഗ്രഹിക്കുന്നുവെന്നും ലാലേട്ടന് ഇരുവീട്ടുകാരോടും ഇതേക്കുറിച്ച് സംസാരിച്ച് സമ്മതം വാങ്ങണമെന്നുമാവശ്യപ്പെട്ട് ഇരുവരും എത്തിയിരുന്നു. ഉറപ്പായും താന് അത് ചെയ്യുമെന്ന് മോഹന്ലാല് പറഞ്ഞിരുന്നു. മോഹന്ലാല് വിവാഹത്തിന് എത്തിയില്ലേയെന്നുള്ള ചോദ്യവും ഉയര്ന്നുവന്നിട്ടുണ്ട്. ബിഗ് ബോസ് മലയാള പതിപ്പിൽ മത്സരം കടുത്തതോടെയാണ് പലരും പരിപാടിയില് നിന്നും പുറത്തായത്. പേളി മാണി ഫിനാലെ വരെ എത്തിയിരുന്നു. അവസാനത്തെ അഞ്ചിലൊരാളായപ്പോഴാണ് ശ്രിനിഷ് പരിപാടിയില് നിന്നും പുറത്തേക്ക് പോയത്. ശ്രീനി പോയതോടെ പേളിയും നിരാശയിലായിരുന്നു.
ബിഗ് ബോസില് നിന്നും പുറത്തെത്തിയ ഇരുവര്ക്കും ഗംഭീര സ്വീകരണമായിരുന്നു ആരാധകര് നല്കിയത്. ബിഗ് ബോസില് നിന്നും സാബു, ഹിമ, അരിസ്റ്റോ സുരേഷ്, ഷിയാസ് എന്നിവരായിരുന്നു പേളിഷ് വിവാഹത്തില് പങ്കെടുക്കാനായി എത്തിയത്. ബിഗ് ബോസിലെ മത്സരാര്ത്ഥികളില് കുറച്ച് പേരാണ് വിവാഹത്തില് പങ്കെടുക്കാനായി എത്തിയത്. തുടക്കം മുതലേ തന്നെ ഈ ബന്ധത്തെ വിമര്ശിച്ചവരായിരുന്നു കൂടുതലും. എന്നാല് ആദ്യാവസാനം മുതല് ഷിയാസ് ഇവര്ക്കൊപ്പമായിരുന്നു. പേളി തന്റെ സഹോദരിയാണെന്നും ശ്രീനി അളിയനാണെന്നും പറഞ്ഞായിരുന്നു ഷിയാസിന്റെ നടപ്പ്. ഇവരുടെ വിവാഹത്തില് പങ്കെടുക്കാനായി ഷിയാസ് എത്തിയിരുന്നു.
സാബുവും സുരേഷുമൊക്കെ എത്തിയപ്പോള് ആഘോഷം കിടുക്കുകയായിരുന്നു. ഇതിനിടയിലാണ് വിവാഹത്തിനായി തന്നെ ക്ഷണിച്ചില്ലെന്ന് പോസ്റ്റുമായി ദിയ സനയെത്തിയത്. പേര്ളി മാണിയ്ക്കും ശ്രീനിഷിനും വിവാഹ ആശംസകളുമായി രഞ്ജിനി ഹരിദാസ് എത്തിയിരുന്നു. അതിനൊപ്പം താന് എന്ത് കൊണ്ടാണ് വിവാഹത്തില് പങ്കെടുക്കാന് എത്താതിരുന്നെതന്നും ഫേസ്ബുക്കിലൂടെ പുറത്ത് വിട്ട കുറിപ്പില് രഞ്ജിനി പറയുന്നുണ്ട്. 'ജീവിതകാലം മുഴുവന് സന്തോഷത്തോടെ ഇരിക്കാന് പേര്ളിയ്ക്കും ശ്രീനിഷിനും ആശംസകള്. എല്ലാകാലവും നിങ്ങളുടെ ഈ സ്നേഹം നിലനില്ക്കട്ടെ. അതിനൊപ്പം എന്നെ വിവാഹത്തിലേക്ക് ക്ഷണിച്ച മാണി പോള് അങ്കിളിന് നന്ദി പറയുകയും വിവാഹത്തില് എത്തി ചേരാന് കഴിയാത്തതില് ക്ഷമ ചോദിക്കുകയും ചെയ്യുകയാണ്.
താനിപ്പോള് ഫുക്കേട്ടിലാണുള്ളതിനാലാണ് വിവാഹത്തിന് എത്താന് കഴിയാതെ പോയത്. ഈ വിവാഹത്തിന് വേണ്ടി ഞാനും കാത്തിരിക്കുകയായിരുന്നു. കാരണം ഇവര് ഈ മനോഹരമായ യാത്ര തുടങ്ങിയത് മുതല് ഇപ്പോഴും ഞാനും ഇതിന്റെ ചെറിയൊരു ഭാഗമാണ്. ഒടുവില് പേര്ളിഷ് നിങ്ങളുയെ യഥാര്ഥ സ്നേഹം അവസാനം വരെ വിജയിച്ചോണ്ട് ഇരിക്കട്ടെ എന്നും രഞ്ജിനിയും പറയുന്നു.
മമ്മൂട്ടിയും ടൊവിനോയും മാത്രമല്ല മിയ, പ്രിയാമണി,സിദ്ദിഖ്, അപര്ണ ബാലമുരളി, വിജയ് ബാബു, മംമ്ത മോഹന്ദാസ്, ഗാവിന്ദ് പത്മസൂര്യ, നീരജ് മാധവ്, സ്റ്റീഫന് ദേവസി, സണ്ണി വെയ്നും ഭാര്യയുമുള്പ്പടെ നിരവധി പേരാണ് നവദമ്ബതികളെ ആശീര്വദിക്കാനായി എത്തിയത്. മിനിസ്ക്രീനിലും ബിഗ് സ്ക്രീനിലുമുള്ളവര് പങ്കെടുത്ത ചടങ്ങിനിടയിലെ ചിത്രങ്ങളെല്ലാം വൈറലായി മാറിയിരുന്നു. മമ്മൂട്ടി വന്നപ്പോഴുള്ള പേളിയുടെ ആര്പ്പുവിളിയുടെ വീഡിയോയും വൈറലായിരുന്നു.
https://www.facebook.com/Malayalivartha
