മലയാളികള്‍ ഏറ്റെടുത്ത പ്രണയ ജോഡികളാണ് പേളിയും ശ്രീനിഷും. പ്രണയജോഡികളായ ഇരുവരും വിവാഹിതരായത് അടുത്തിടെയാണ്. സുഹൃത്തുക്കളും കുടുംബാംഗങ്ങളുമൊക്കെയായി നിരവധി പേരായിരുന്നു വിവാഹത്തില്‍ പങ്കെടുക്കാനായി എത്തിയത്. മിനിസ്‌ക്രീനിലെ മാത്രമല്ല ബിഗ് സ്‌ക്രീനിലെ പ്രിയതാരങ്ങളും നവദമ്പതികളെ ആശീര്‍വദിക്കാനായി എത്തിയിരുന്നു. പേളിഷ് വിവാഹത്തിനിടയിലെ ചിത്രങ്ങളും വീഡിയോയുമൊക്കെ സോഷ്യല്‍ മീഡിയയിലൂടെ വൈറലായിരുന്നു.

ഈ പ്രണയം തേപ്പിലായിരിക്കും അവസാനിക്കുന്നതെന്നായിരുന്നു പലരും കരുതിയത്. എന്നാല്‍ തങ്ങളുടെ തീരുമാനത്തില്‍ ഉറച്ചുനില്‍ക്കുകയായിരുന്നു പേളിയും ശ്രിനിഷും. ഇരുകുടുംബങ്ങളുടേയും ആശീര്‍വാദത്തോടെയായിരുന്നു വിവാഹം നടന്നത്. ക്രിസ്തീയ ആചാരപ്രകാരമുള്ള ചടങ്ങുകളായിരുന്നു ആദ്യം നടന്നത്. അതിന് പിന്നാലെയായാണ് പാലക്കാട് വെച്ച് ഹിന്ദു ആചാരപ്രകാരമുള്ള ചടങ്ങുകള്‍ നടത്തിയത്.

ഇപ്പോള്‍ വിവാഹശേഷം പാലക്കാട്ട് ശ്രീനിയുടെ വീട്ടിലാണ് പേളിയും ശ്രീനിയും താമസിക്കുന്നത്. ഇവിടെ നിന്നുള്ള ചിത്രങ്ങളാണ് ഇപ്പോള്‍ ആരാധകരുടെ മനസുകവര്‍ന്നിരിക്കുന്നത്. ശ്രീനിക്കൊപ്പം നാടുകാണാന്‍ ഇറങ്ങിയ പേളിയുടെ ചിത്രങ്ങളും ഇക്കൂട്ടത്തിലുണ്ട്. പണ്ടുമുതലെ യാതൊരു താരജാഡകളുമില്ലാത്ത വ്യക്തിയാണ് പേളി ഇത് അടിവരയിട്ടുകൊണ്ട് ശ്രീനിയുടെ വീട്ടില്‍ ഉത്തമ ഭാര്യയായി പേളി മാറിക്കഴിഞ്ഞെന്നാണ് പുതിയ ചിത്രങ്ങള്‍ എത്തിയിരിക്കുന്നത്.

ബുധനാഴ്ച പാലക്കാട്ടെ കല്യാണം കഴിഞ്ഞ് ദമ്ബതികള്‍ ശ്രീനിയുടെ വീട്ടില്‍ എത്തിയ ശേഷം മണ്ണാര്‍ക്കാട്ടെ റിസോര്‍ട്ടിലായിരുന്നു പോയത്. ആദ്യ ദിനം അവിടെ ചിലവഴിച്ച ശേഷം കല്ലൂവഴിയില്‍ ശ്രീനിയുടെ അമ്മാമയുടെ വീട്ടില്‍ ബന്ധുക്കളുടെ ഒത്തുചേരലുണ്ടായിരുന്നു. ഇതിലും ദമ്ബതികള്‍ പങ്കുചേര്‍ന്നു. ശ്രീനിയുടെ പുലാപെറ്റയിലുള്ള പെങ്ങളുടെ വീട്ടിലാണ് ദമ്ബതികള്‍ക്ക് വിരുന്നും ഒരുക്കിയിരുന്നു.

വിവാഹത്തിന് ശേഷവും ഇവരുടെ വിശേഷങ്ങളെക്കുറിച്ച് അറിയാനായി കാത്തിരിക്കുകയാണ് ആരാധകര്‍. പേളിഷ് , ശ്രിനിഷ് ആര്‍മി ഗ്രൂപ്പുകള്‍ ഇപ്പോഴും സജീവമാണ്. ഇവരുടെ ഭാവി പരിപാടികളെക്കുറിച്ചറിയാനും പേളിയെ വീണ്ടും സ്‌ക്രീനില്‍ കാണാനുമായുള്ള കാത്തിരിപ്പിലുമാണ് ആരാധകര്‍. ശ്രിനിഷിന്റെ വീട്ടിലെത്തിയ പേളി തനിനാടനായി മറ്റുള്ളവരോടൊപ്പം ഇടപഴകുന്നതിന്റെയും ക്ഷേത്രദര്‍ശനത്തിന് എത്തിയതിന്റെയുമൊക്കെ ചിത്രങ്ങള്‍ സോഷ്യല്‍ മീഡിയയിലൂടെ വൈറലായിരുന്നു. പാലക്കാടെത്തിയ പേളി മാണി ആകെ തിരക്കിലാണ്.

തനിനാട്ടിന്‍പുറത്തുകാരിയായി മറ്റുള്ളവര്‍ക്കൊപ്പം ഇടപെടുന്ന താരത്തിന്റെ ചിത്രങ്ങളും വീഡിയോയുമൊക്കെ പുറത്തുവന്നിരുന്നു. തോട്ടത്തില്‍ പണിയെടുത്തും കാട് വെട്ടിത്തളിച്ചുമുള്ള രസകരമായ വീഡിയോയിരുന്നു പുറത്തുവന്നത്. വെട്ടുകത്തിയുമായി നില്‍ക്കുന്നതിനിടയില്‍ ഇനിയെന്തെങ്കിലും വെട്ടാനുണ്ടോയെന്നായിരുന്നു പേളിയുടെ ചോദ്യം. ആരാണ് വീഡിയോ എടുക്കുന്നതെന്നും പേളി ചോദിക്കുന്നുണ്ട്. തോട്ടത്തിലെ പണിയെക്കുറിച്ചുള്ള സംശയവും ചോദിക്കുന്നുണ്ട് പേളി.

ഇന്‍സ്റ്റഗ്രാമിലൂടെ ശ്രിനിഷ് അരവിന്ദാണ് പേളിയുടെ പുതിയ ജീവിതത്തിന്റെ ചിത്രങ്ങളും വീഡിയോയുമൊക്കെ പുറത്തുവിട്ടത്. തോട്ടത്തിലെ പണി മാത്രമല്ല കുട്ടികള്‍ക്കൊപ്പം കളിക്കാനും പേളി കൂടുന്നുണ്ട്. തന്നെയും കൊട്ടാന്‍ പഠിപ്പിച്ച് തരുമോയെന്ന് ചോദിച്ചായിരുന്നു കളിയില്‍ കൂടിയത്. വീട്ടിനകത്ത് മറ്റുള്ളവര്‍ക്കൊപ്പം ക്യാരംസ് കളിയിലും പേളി പങ്കെടുത്തിരുന്നു. അമ്പലത്തിലെത്തിയപ്പോള്‍ ചോറൂണ്‍ ചടങ്ങ് നടക്കുമ്പോള്‍ അതിലും പേളി പങ്കെടുത്തിരുന്നു. ശ്രീകൃഷ്ണപുരം ക്ഷേത്രസന്ദര്‍ശനത്തിനിടയിലെ ചിത്രങ്ങളും പുറത്തുവന്നിരുന്നു.

മിനിസ്‌ക്രീനിലേക്കുള്ള പേളിയുടെ തിരിച്ചുവരവിനായി കാത്തിരിക്കുകയാണ് ആരാധകര്‍. ബിഗ് ബോസിന് ശേഷം താരത്തെ സ്‌ക്രീനില്‍ കാണാനാവാത്തതിന്റെ നിരാശ പങ്കുവെച്ച് ആരാധകരെത്തിയിരുന്നു. എന്നായിരിക്കും താരത്തിന്റെ തിരിച്ചുവരവെന്നറിയാനായി കാത്തിരിക്കുകയാണ് ആരാധകര്‍.