മാതൃദിനത്തില്‍ കുഞ്ചാക്കോ ബോബന്‍ പങ്കുവെച്ചത് ഭാര്യ പ്രിയയുടേയും കുഞ്ഞിന്റെയും ചിത്രം. മകന്‍ എന്റെ പ്രണയിനിയുടെ ഏറ്റവും സന്തോഷകരമായ പുഞ്ചിരി എന്നാണ് താരം ക്യാപ്ഷന്‍ നല്‍കിയത്. ഇസഹാക്ക് കുഞ്ചാക്കോ എന്ന പേരിടുന്നതിന് മുന്‍പ് കുഞ്ഞിന്റെ പേര് ബോബന്‍ കുഞ്ചാക്കോ എന്നായിരിക്കുമെന്ന് ആരാധകര്‍ പ്രവചിച്ചിരുന്നു.

നീണ്ട 14 വര്‍ഷത്തെ കാത്തിരിപ്പിനൊടുവിലാണ് ചാക്കോച്ചനും പ്രിയയ്ക്കും കുഞ്ഞ് ജനിച്ചത്. ബൈബിളില്‍ അബ്രഹാമിനും ഭാര്യ സാറയ്ക്കും ഏറെ കാത്തിരുന്ന് ലഭിച്ച കുഞ്ഞാണ് ഇസഹാഖ്. പതിനാലു വര്‍ഷത്തെ കാത്തിരിപ്പിനൊടുവില്‍ ജീവിതത്തിലേക്ക് വന്ന കണ്മണിക്കും അതേ പേരു തന്നെ നല്‍കിയിരിക്കുകയാണ് ചാക്കോച്ചനും പ്രിയയും. കുഞ്ചാക്കോ ബോബന്‍ 2005 ലാണ് പ്രിയയെ വിവാഹം ചെയ്യുന്നത്.