പ്രേക്ഷകരുടെ ഹൃദയം കീഴടക്കി മുന്നേറികൊണ്ടിരിക്കുകയാണ് പാര്‍വതിയുടെ ഏറ്റവും പുതിയ ചിത്രമായ 'ഉയരെ'. ആസിഡ് ആക്രമണത്തെ അതിജീവിച്ച പെണ്‍കുട്ടി ആയിട്ടാണ് പാര്‍വതി ചിത്രത്തിലെത്തിയത്. ആരാധകര്‍ മാത്രമല്ല താരങ്ങളും ഈ ചിത്രത്തെ അഭിനന്ദിച്ച്‌ രംഗത്തെത്തിയിരുന്നു. ഉയരെയുടെ പുതിയ പോസ്റ്ററുമായി കഴിഞ്ഞ ദിവസം ആസിഫ് എത്തിയിരുന്നു. ഈ പോസ്റ്റിന് കീഴില്‍ കമന്റുമായി ഐശ്വര്യ ലക്ഷ്മിയെത്തിയിരുന്നു. ഗോവിന്ദ് നിങ്ങള്‍ അടിപൊളിയായിട്ടുണ്ടെന്നായിരുന്നു ഐശു പറഞ്ഞത്. ഇതിന് മറുപടിയായാണ് പൗര്‍ണ്ണമി കുറച്ച്‌ ആസിഡ് എടുക്കട്ടേയെന്ന് ആസിഫ് ചോദിച്ചത്.

പാര്‍വതി, ടൊവിനോ തോമസ്, ആസിഫ് അലി തുടങ്ങിയവരാണ് ഈ ചിത്രത്തിനായി അണിനിരന്നത്. ഗോവിന്ദ് എന്ന കഥാപാത്രത്തെയായിരുന്നു ആസിഫ് അവതരിപ്പിച്ചത്. നെഗറ്റീവ് കഥാപാത്രത്തെ സ്വീകരിക്കരുതെന്ന് പലരും പറഞ്ഞിരുന്നതായും പറഞ്ഞിരുന്നു. ഇത്രയും നെഗറ്റീവാണെന്ന് താനറിഞ്ഞിരുന്നില്ലെന്നും ഇപ്പോഴത്തെ പ്രതികരണത്തില്‍ സന്തോഷമുണ്ടെന്നും ആസിഫ് പറഞ്ഞിരുന്നു. നായകനായി തിളങ്ങി നില്‍ക്കുന്നതിനിടയിലാണ് താരം നെഗറ്റീവ് കഥാപാത്രത്തേയും സ്വീകരിക്കാനായി തയ്യാറായത്. ചിത്രത്തില്‍ പാര്‍വതിയുടെ പല്ലവി രവീന്ദ്രന്‍ എന്ന കഥാപാത്രം ഇതിനോടകം പ്രേക്ഷക ഹൃദയത്തില്‍ ചേക്കേറി കഴിഞ്ഞു.