യുഎഇയില്‍ സ്ഥിര താമസക്കാരിയായ നൈലയുടെ ഏറ്റവും വലിയ ആഗ്രഹമായിരുന്നു യുഎഇ വൈസ് പ്രസിഡന്റും പ്രധാനമന്ത്രിയുമായും ദുബായ് ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍ മക്തൂമിനെ സന്ദര്‍ശിക്കാന്‍ ലഭിച്ച അപൂര്‍വ്വ നിമിഷത്തെ കുറിച്ച്‌ ആരാധകരുമായി പങ്കുവെയ്ക്കുകയാണ്. ഷെയ്ക്കിനോടൊപ്പമുളള ചിത്രം നൈല പങ്കുവെച്ചിട്ടുണ്ട്. യുഎഇയില്‍ കുറച്ചു കാലമെങ്കിലും താമസിച്ചിട്ടുള്ള ഏതൊരാളിന്റേയും ആഗ്രഹമായിരിക്കും ഷെയ്ഖ് മുഹമ്മദിനെ നേരില്‍ കാണണമെന്ന്. എന്റെ ഈ സ്വപ്നം യാഥാര്‍ഥ്യമാകാന്‍ 15 വര്‍ഷം വേണ്ടി വന്നു. ദുബായ് ഭരണാധികാരിയും പ്രധാനമന്ത്രിയും വൈസ് പ്രസിഡന്റുമായ ഹിസ് ഹൈനസ് ഷെയ്ഖ് മുഹമ്മദ് ബിന്‍ റാഷിദ് അല്‍ മഖ്തൂമിനൊപ്പം ഇഫ്താര്‍ വിരുന്നിന് പ്രത്യേക ക്ഷണം ലഭിച്ചതില്‍ ദുബായ് മീഡിയ ഓഫിസിനോടുളള നന്ദിയും രേഖപ്പെടുത്തിയിട്ടുണ്ട്. നന്ദി ഹിസ് ഹൈനസ്, ഈ രാജ്യവും നഗരവും കൈവരിച്ച എല്ലാറ്റിലും അഭിമാനം കൊള്ളാന്‍ ഞങ്ങളെ പ്രാപ്തരാക്കിയതിന്. അങ്ങയെ കണ്ടുമുട്ടാന്‍ സാധിച്ചത് അങ്ങേയറ്റത്തെ ബഹുമതിയാണ് നൈല കുറിച്ചു.