ഒന്നും ശരിയായ രീതിയിൽ പോയില്ലെങ്കിൽ ചുവപ്പിന്റെ വഴിയെ പോവൂ... ഞെട്ടിക്കുന്ന മേക്കോവറുമായി നടി ഗീതു മോഹൻദാസ്
ശക്തമായ നിലപാടുകളില് ഉറച്ച് നില്ക്കുന്ന അപൂര്വ്വം നടിമാരില് ഒരാളാണ് ഗീതു മോഹൻദാസ് .ബാലതാരമായി സിനിമയിലേക്കെത്തിയ താരം ഇപ്പോഴിതാ പുത്തൻ മേക്കോവർ നടത്തിയിരിക്കുകയാണ് . മുടിയുടെ നീളം കുറച്ചും അത് ചുവപ്പ് കളർ ചെയ്തും നിൽക്കുന്ന ചിത്രമായിരുന്നു പുറത്ത് വന്നത്."ഒന്നും ശരിയായ രീതിയിൽ പോയില്ലെങ്കിൽ ചുവപ്പിന്റെ വഴിയെ പോവൂ " എന്ന അടിക്കുറിപ്പോടെ ഇൻസ്റ്റാഗ്രാം പേജിലൂടെ നടി തന്നെയാണ് ചിത്രം പുറത്ത് വിട്ടത്.
നടിയുടെ മേക്കോവർചിത്രത്തിന് താഴെ കുഞ്ചാക്കോ ബോബൻ, പാർവതി, റിമ കല്ലിങ്കൽ, വിജയ് യേശുദാസ്, നിമിഷ സജയൻ തുടങ്ങി നിരവധി സിനിമാ താരങ്ങളാണ് കമന്റുകളുമായി എത്തിയിരിക്കുന്നത്.നടൻ മോഹൻലാലിനൊപ്പം ഒന്ന് മുതൽ പൂജ്യം വരെ എന്ന ചിത്രത്തിലൂടെയായിരുന്നു ഗീതു വെള്ളിത്തിരയിലെത്തുന്നത്.
ആദ്യ ചിത്രത്തിലൂടെ തന്നെ കേരള സംസ്ഥാന ചലച്ചിത്ര പുരസ്കാരത്തിൽ മികച്ച ബാലതാരത്തിനുള്ള അംഗീകാരം ലഭിച്ചിരുന്നു. നിവിന് പോളിയെ നായകനാക്കി നടി ഗീതു മോഹന്ദാസ് സംവിധാനം ചെയ്യുന്ന ചിത്രമാണ് മൂത്തോന്. പ്രശസ്ത ഹിന്ദി സംവിധായകനായ അനുരാഗ് കശ്യപും ഗീതു മോഹന്ദാസും ചേര്ന്നാണ് മൂത്തോന് തിരക്കഥ ഒരുക്കിയിരിക്കുന്നത്. സാഹസിക ചലച്ചിത്രമായി ഒരുക്കുന്ന ചിത്രത്തില് നിവിന് പോളിയ്ക്കൊപ്പം ശോഭിത, ശശാങ്ക് അറോറ, ഹരീഷ് ഖന്ന, അലന്സിയര്, ദിലീഷ് പോത്തന്, സുജിത് ശങ്കര്, സൗബിന് ഷാഹിര്, റോഷന് മാത്യു തുടങ്ങി വമ്പന് താരങ്ങളാണ് അണിനിരക്കുന്നത്. ലക്ഷദ്വീപില് നിന്നുമായിരുന്നു മൂത്തോന്റെ ചിത്രീകരണം നടന്നത്.
https://www.facebook.com/Malayalivartha