ശ്രീദേവിയുടെ ആഗ്രഹം നിറവേറ്റാനൊരുങ്ങുകയാണ് മകൾ ജാൻവി. അമ്മയുണ്ടായിരുന്നെങ്കിൽ ഈ വാർത്തയിൽ ഏറെ സന്തോഷിക്കുന്നത് അമ്മ തന്നെയായിരിക്കും എന്നാണ് ജാന്‍വിയുടെ വാക്കുകൾ. തമിഴ് സിനിമയില്‍ നിന്നുമായിരുന്നു ശ്രീദേവി അരങ്ങേറ്റം നടത്തിയിരുന്നത്. ഇപ്പോഴിതാ ജാന്‍വിയും തമിഴ് സിനിമയിലേക്ക് എത്തുകയാണ്. താരപുത്രിയുടെ തമിഴിലെ അരങ്ങേറ്റ സിനിമ തന്നെ സൂപ്പര്‍ താരം അജിത്തിനൊപ്പമാണെന്നുള്ളതാണ് ശ്രദ്ധേയമായ കാര്യം. പ്രശസ്ത ട്രേഡ് അനലിസ്റ്റ് രമേഷ് ബാല ആണ് ട്വിറ്ററിലൂടെ ഇക്കാര്യം അറിയിച്ചിരിക്കുന്നത്. അടുത്തിടെയാണ് ബോളിവുഡിലെ പ്രമുഖ നിര്‍മാതാവും ജാന്‍വിയുടെ പിതാവുമായ ബോണി കപൂര്‍ തമിഴില്‍ അജിത്തിനൊപ്പം സിനിമ ചെയ്യുന്നതായി പ്രഖ്യാപിച്ചത്. എച്ച്‌ വിനോദ് സംവിധാനം ചെയ്യുന്ന ചിത്രം തല 60 എന്ന പേരിലാണ് പ്രഖ്യാപിച്ചിരിക്കുന്നത്.