ഷൂട്ടിങ് സെറ്റിലെ അസൗകര്യങ്ങളെക്കുറിച്ച തുറന്ന് പറഞ്ഞ് നടി മാലാ പാര്വതി
ഷൂട്ടിങ് സെറ്റിലെ അസൗകര്യങ്ങളെക്കുറിച്ച് തുറന്ന് പറഞ്ഞ് നടി മാലാ പാര്വതി രംഗത്ത്. കാളിദാസ് ജയറാം നായകനാകുന്ന ഹാപ്പി സര്ദാര് എന്ന സിനിമയുടെ സെറ്റിലാണ് സംഭവങ്ങളുടെ തുടക്കം. എന്നാല് ഇതിനു പിന്നാലെ 'നായകനും നായികയ്ക്കും ഇല്ലാത്ത കാരവന്, നായികയുടെ അമ്മ വേഷം ചെയ്യുന്നയാള്ക്ക്' വേണമെന്നും നിര്മാതാവിനുണ്ടാകുന്ന ബുദ്ധിമുട്ട് മനസിലാകാത്ത നടിമാരാണ് മലയാള സിനിമയുടെ ശാപമെന്നും നിര്മാതാവിന്റെ ക്യാഷറായ സഞ്ജയ് പാല് ആരോപണമുന്നയിച്ചിരുന്നു. ഇതോടെയാണ് സെറ്റില് നടന്ന സംഭവത്തിന്റെ അനുഭവം വിവരിച്ചുകൊണ്ട് മാലാ പാര്വതി രംഗത്തെത്തിയത്.
ഫേസ്ബുക്ക് പോസ്റ്റിന്റെ പൂര്ണരൂപം:
ഹാപ്പി സര്ക്കാര് എന്ന സിനിമയില് അമ്മ നടി കാരവന് ചോദിച്ചു എന്നൊരാരോപണം സഞ്ജ് പാല് ഉന്നയിച്ചിരുന്നു. പ്രൊഡ്യൂസര്ടെ കാഷ്യര് ആണ് ആള്. ചായ, ഭക്ഷണം, ടോയ്ലറ്റ് പോലെയുള്ള അടിസ്ഥാന സൗകര്യം തരാത്തവരോട് കാരവന് ചോദിക്കാന് പാടില്ല എന്ന സാമാന്യ ബോധം ഉണ്ട്. ഉച്ചയ്ക്ക് 3 മുതല് പിറ്റേന്ന് വെളുപ്പിന് 6 വരെ ജോലി ചെയ്യുന്ന സെറ്റില് പ്രാഥമിക ആവശ്യങ്ങള് നിര്വഹിക്കാന് തന്നിരുന്നിടത്ത് ബ്ലോക്ക് ആയിരുന്നതിനാലും, മൂത്രമൊഴിക്കാതിരിക്കാനുള്ള അമാനുഷിക കഴിവ് ഇല്ലാതിരുന്നതിനാലും ഞാന് കാരവന് എടുത്തു. എന്റെ സ്വന്തം കാശിന്. എല്ലാ പെണ്കുട്ടികള്ക്കും വേണ്ടി. അമ്മ നടി ആണെങ്കിലും മൂത്രം ഒഴിക്കണമല്ലോ? അതോ വേണ്ടേ? നായകനും നായികയ്ക്കും മാത്രമേ ഉള്ളോ ഈ ആവശ്യങ്ങള്? സഞ്ജയ് പാല് എന്ന ആള്ക്കുള്ള മറുപടിയാണിത്.
ബില്ല് ചുവടെ ചേര്ക്കുന്നു. ഈ സെറ്റിലെ വിശേഷങ്ങള് പറഞ്ഞാല് തീരില്ല. തല്ക്കാലം നിര്ത്തുന്നു.
https://www.facebook.com/Malayalivartha
