ഇതെന്താ അവസരം തേടാനുള്ള വഴിയാണോ? കമന്റ് ഇട്ട ആള്‍ക്ക് ചുട്ട മറുപടിയുമായി മീര നന്ദന്‍
നാടന്‍ വേഷങ്ങളില്‍ മലയാള സിനിമയില്‍ എത്തിയ താരമാണ് മീര. ശേഷം സിനിമയില്‍ നിന്നും ഇടവേളയെടുത്ത് ദുബായിയില്‍ ആര്‍.ജെ. ആയി ജോലിനോക്കുകയാണ്. പരിപാടികളുടെ അവതാരകയായും ഇടക്കൊക്കെ പ്രത്യക്ഷപ്പെടാറുണ്ട്.ഇപ്പോഴിതാ മോഡേണ്‍ വസ്ത്രത്തിലെ ചിത്രത്തിന് വിമര്ശനാത്മകവും അശ്‌ളീല ചുവയുള്ളതുമായ കമന്റുകള്‍ ഇട്ടതിന് മറുപടി പോസ്റ്റ് നല്‍കിയ മീര നന്ദന്‍ വീണ്ടും. പുതിയ ചിത്രത്തിന് കമന്റായി, നടി അവസരം തേടാനുള്ള വഴിയായി ആണ് ഇത്തരം പോസ്റ്റുകള്‍ കാണുന്നതെന്ന രീതിയിലെ മറുപടിക്ക് മീര നേരിട്ട് ഉത്തരം നല്‍കിയിട്ടുണ്ട്.
മീരയെ 'മങ്ങി നില്‍ക്കുന്ന താരം' എന്ന് കമന്റിട്ടയാള്‍ അധിക്ഷേപിക്കുന്നുമുണ്ട്. ഇത്തരം പോസ്റ്റുകള്‍ക്ക് ആരെങ്കിലും ഇടുന്ന കമന്റിന് മറുപടി നല്‍കുക വഴി ഉണ്ടാവുന്ന വാര്‍ത്ത കണ്ട് നടിക്കു സിനിമയില്‍ അവസരം ഉണ്ടാകും എന്ന രീതിയിലാണ് കമന്റ്. 'വേറെ പണിയൊന്നുമില്ലേ' എന്നായിരുന്നു കമന്റ് ഇട്ടയാളോടുള്ള മീരയുടെ ചോദ്യം.
https://www.facebook.com/Malayalivartha
