ലക്ഷക്കണക്കിന് ആരാധകരുള്ള അമേരിക്കയിലെ ജനപ്രിയ പോപ് താരമാണ് ലേഡി ഗാഗ. ഇപ്പോള്‍ ലേഡി ഗാഗ ഇന്ത്യയിലും ലക്ഷക്കണക്കിന് ആരാധകരെ നേടിയിരിക്കുകയാണ്. ഒറ്റ ദിവസം കൊണ്ടാണ് ഇന്ത്യയിലെ ആരാധകരെ കൈയ്യിലെടുത്തു. ലേഡി ഗാഗയുടെ പുതിയ ട്വീറ്റാണ് ഇന്ത്യന്‍ ആരാധകരുടെ മനസിനെ പുളകമണിയിച്ചത്. ഞായറാഴ്ച രാവിലെ ആയിരുന്നു 'ലോകാ സമസ്താ സുഖിനോ ഭവന്തു' എന്ന് ലേഡി ഗാഗ ട്വീറ്റ് ചെയ്തത്. സംസ്‌കൃതത്തിലുള്ള ഈ ശ്ലോകത്തിന് 'ലോകമെങ്ങുമുള്ള സകല ജീവജാലങ്ങള്‍ക്കും സുഖം ഉണ്ടാകട്ടെ എന്നാണ് അര്‍ത്ഥം.

അതേസമയം, രാവിലെ തന്നെ ലേഡി ഗാഗയുടെ ഈ ട്വീറ്റ് ട്വീറ്റര്‍ ആരാധകരില്‍ കണ്‍ഫ്യൂഷന്‍ ഉണ്ടാക്കുകയും ചെയ്തു. ചിലര്‍ ലേഡി ഗാഗയുടെ പുതിയ ആല്‍ബത്തിന്റെ പേരാണ് ഇതൊന്നും കമന്റ് ചെയ്തു. എന്നാല്‍, നിരവധി ഇന്ത്യന്‍ ആരാധകരെയാണ് ലേഡി ഗാഗയുടെ ശ്ലോക ട്വീറ്റ് സന്തോഷ പുളകിതരാക്കിയത്. ഇന്ത്യയില്‍ നിന്നുള്ള മിക്കവരും ലേഡി ഗാഗയുടെ ട്വീറ്റിന് 'ജയ് ശ്രീറാം' എന്നാണ് മറുപടിയായി നല്‍കിയത്. സംഗീത പരിപാടിക്കിടെ ആരാധകനൊപ്പം വേദിയില്‍ നിന്ന് താഴെ വീണ ലേഡി ഗാഗ ഇപ്പോള്‍ വിശ്രമത്തിലാണ്. വ്യാഴാഴ്ച ആയിരുന്നു അപകടം പറ്റിയത്.