അത് ഞങ്ങളുടെ പേഴ്സണല് കാര്യമാണ്.. മകന്റെ ലൈഫിനെ അത് ബാധിക്കും!! ഞങ്ങളുടെ രണ്ടുപേരുടെയും സ്നേഹം കിട്ടാതെ പോകരുത്!! അതുകൊണ്ടാണ് സംയുക്തയ്ക്ക് ആ തീരുമാനം എടുക്കേണ്ടി വന്നത്... മനസ് തുറന്ന് ബിജുമേനോന്
നടന് ബിജു മേനോനോട് ലേശം കുശുമ്പള്ളവരാണ് മലയാള സിനിമാപ്രേമികളില് പലരും. സിനിമയില് തിളങ്ങി നില്ക്കവേ നടി സംയുക്ത വര്മ്മയെ കുടുംബിനിയാക്കി എന്നുള്ളതാണ് പലരുടെയും ആരോപണം. എന്നാല് വിവാഹശേഷം സിനിമ വേണ്ടെന്ന് വെച്ചത് സംയുക്തയുടെ തീരുമാനമായിരുന്നെന്ന് പലപ്പോഴും അഭിമുഖങ്ങളില് വ്യക്തമാക്കിയിരുന്നു.ബിജു മേനോനും സംയുക്ത വര്മ്മയും ഒന്നിച്ചഭിനയിച്ച മേഘമല്ഹാര് എന്ന സിനിമയില് അഭിനയിച്ച് കൊണ്ടിരിക്കുമ്പോഴാണ് ജീവിതത്തിലും തങ്ങള് ഒന്നിക്കേണ്ടവരാണെന്ന സത്യം ബിജുവും സംയുക്തയും തിരിച്ചറിയുന്നത്. 2002ലായിരുന്നു ബിജു മേനോനും സംയുക്തയും തമ്മിലുളള വിവാഹം നടന്നത്. വിവാഹശേഷം സിനിമയിൽ എന്തുകൊണ്ട് സംയുക്ത മടങ്ങി വന്നില്ല എന്നതിനെ കുറിച്ച് തുറന്ന് പറയുകയാണ് ബിജുമേനോൻ ഇപ്പോൾ. 'സംയുക്ത അഭിനയിക്കുമോ ഇല്ലയോ എന്നുള്ളത് ഞങ്ങളുടെ പേഴ്സണല് കാര്യമാണ്. സംയുക്ത തല്ക്കാലം സിനിമയില് അഭിനയിക്കണ്ട എന്നത് ഞാനും സംയുക്തയും ഒന്നിച്ച് എടുത്ത തീരുമാനം തന്നെയാണ്. ഞാനും സംയുക്തയും ഒരുമിച്ച് അഭിനയിച്ചാല് ഞങ്ങളുടെ മകന്റെ കരിയര് ആര് നോക്കും എന്ന ഒരു പ്രശ്നം വരും. സാധാരണ ഒരു ഓഫീസ് ജോലി പോലെ കാലത്ത് ഒന്പത് മണിക്ക് പോയി വൈകുന്നേരത്ത് അഞ്ചു മണിക്ക് വരുന്ന ഒരു പ്രൊഫഷനല്ല സിനിമ.
ഒരു മാസം ഒരു സ്ഥലത്ത്അടുത്ത മാസം വേറെ ഒരു സ്ഥലത്ത് അങ്ങനെയുള്ള ഒരു മേഖലയാണ്. അപ്പോള് മകന്റെ ലൈഫിനെ അത് ബാധിക്കും അത് കൊണ്ട് ഞങ്ങളുടെ രണ്ടുപേരുടെയും സ്നേഹം കിട്ടാതെ പോകരുത് എന്നൊക്കെയുള്ള ഒരു തീരുമാനത്തില് നിന്നായിരുന്നു സിനിമയില് നിന്നുള്ള സംയുക്തയുടെ പിന്മാറ്റം. സംയുക്തയ്ക്ക് ഇനി എപ്പോള് വേണേലും തിരിച്ചു വരാനുള്ള ഫ്രീഡം ഉണ്ട്. സംയുക്ത അഭിനയിക്കുന്നതില് യാതൊരു വിധമായ എതിര്പ്പും എനിക്ക് ഇല്ല. അഭിനയിക്കണോ വേണ്ടയോ എന്ന് തീരുമാനിക്കേണ്ടത് സംയുക്തയാണ്'. റിപ്പോര്ട്ടര് ചാനലിലെ ക്ലോസ് ആന്ഡ് എന്കൗണ്ടര് എന്ന പ്രോഗ്രാമില് സംസാരിക്കുകയായിരുന്നു ബിജു മേനോന്.
https://www.facebook.com/Malayalivartha