മോഹന്‍ലാലിന് തുല്യം മഞ്ജുവാര്യര്‍ മാത്രമാണെന്ന് സംവിധായകന്‍ റോഷന്‍ ആന്‍ഡ്രൂസ്. ഉദയനാണ് താരത്തിലെ ഉദയഭാനു റോഷന്റെ ആത്മകഥാംശമുള്ള   കഥാപാത്രമാണ്. ഏതൊരു ടെക്‌നീഷ്യന്റെയും ഉള്ളില്‍ ഒരു ഉദയഭാനുവുണ്ട്. സംവിധായകന്‍ മനസ്സില്‍ കണ്ട കാര്യങ്ങളാണ് മോഹന്‍ലാല്‍ കൂടുതല്‍ മികവോടെയും തെളിവോടെയും പ്രതിഫലിപ്പിച്ചത്. സിനിമയില്‍ ഒരു രംഗമുണ്ട്. ടി.പി. മാധവന്‍ ചേട്ടന്‍ അവതരിപ്പിക്കുന്ന കഥാപാത്രത്തോട് ലാല്‍ ഒരു സഹായം ആവശ്യപ്പെടുകയാണ്. ഒരു ജോലിയുടെ കാര്യം. അത് ചോദിക്കുന്നതില്‍ അയാള്‍ക്ക് അഭിമാനക്കുറവുണ്ട്. 

റിഹേഴ്‌സല്‍ സമയത്ത് ഒരു കൈകൊണ്ട് ഷര്‍ട്ടിന്റെ രണ്ട് കോളറും പിടിച്ചാണ് ആ ഭാഗം ഗംഭീരമാക്കിയത്. എന്നാല്‍ ടേക്ക് പറഞ്ഞപ്പോള്‍ മറ്റൊരു അംഗവിക്ഷേപമാണ് കാട്ടിയത്. റിഹേഴ്‌സലിന് ചെയ്തതാണ് നന്നായതെന്ന് റോഷന്‍ പറഞ്ഞപ്പോള്‍ ലാലിന്റെ മറുപടി ഇങ്ങനെയായിരുന്നു. \'മോനേ ഇതൊന്നും ഞാന്‍ ബോധപൂര്‍വ്വം ചെയ്യുന്ന സംഗതികളല്ല. അറിയാതെ സംഭവിക്കുന്നതാണ്.\' ലാലിന്റെ ഫസ്റ്റ് ടേക്കാണ് ബെസ്റ്റ് ടേക്ക്. ഡയലോഗ് തെറ്റി റീടേക്ക് വേണ്ടിവരുന്നതോ കണ്ടിന്യുവിറ്റി അടക്കമുള്ള സാങ്കേതിക പ്രശ്‌നങ്ങളുടെ പേരില്‍ വീണ്ടും ടേക്കിന് പോകേണ്ടി വരുന്നതോ ആയ സാധാരണ സന്ദര്‍ഭങ്ങളെക്കുറിച്ചല്ല പറയുന്നത്. മറിച്ച് വളരെ ഇമോഷണലായിട്ടുള്ള ഭാഗങ്ങള്‍ ചെയ്യുമ്പോഴുള്ള അത്യപൂര്‍വ്വ നിമിഷങ്ങളെക്കുറിച്ചാണ്. അല്ലെങ്കില്‍ എത്ര ടേക്ക് എടുത്തുകൊണ്ടിരുന്നാലും അപ്പോഴെല്ലാം നമുക്ക് ഓരോ പുതിയ കാര്യങ്ങള്‍ കിട്ടിക്കൊണ്ടിരിക്കും. ഇങ്ങനെയൊരു അഭിനയവൈപുല്യം പിന്നെ കണ്ടിട്ടുള്ളത് മഞ്ജുവാര്യരിലാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha