നയന്താരയും അനുഷ്കയും പ്രതിഫലം കൂട്ടി
നയന്താരയും അനുഷ്കയും പ്രതിഫലം കുത്തനെ കൂട്ടി. തെലുങ്ക്, തമിഴ് സിനിമകളില് അഭിനയിച്ചുവരുന്ന ഇരുവരും ഒരു കോടി വീതമാണ് പ്രതിഫലം കൂട്ടിയത്. ഇതോടെ മൂന്ന് കോടിയായി ഇവരുടെ ശമ്പളം. തമന്ന ഒന്നേ മുക്കാല്ക്കോടി പ്രതിഫലം വാങ്ങുന്നുണ്ട്. അനുഷ്ക്കയും തമന്നയും അഭിനയിച്ച ബാഹുബലി 300 കോടിയ്ക്ക് മുകളില് കളക്ഷന് നേടിയ ചിത്രമാണ്. ബാഹുബലിയുടെ വിജയം, തമന്നയുടെ പ്രതിഫലത്തുക രണ്ട് കോടിയിലെത്തിച്ചിരിക്കുന്നു.
ശ്രേയയും കാജല് അഗര്വാളും ഒരു കോടി രൂപയാണ് പ്രതിഫലം ചോദിക്കുന്നത്. എങ്കിലും അത് നല്കുവാന് നിര്മ്മാതാക്കള് മുന്നോട്ടുവരുന്നില്ല. തൃഷ 80 ലക്ഷവും ശ്രുതിഹാസന്, ഹന്സിക, സമന്ത തുടങ്ങിയവര് 70 ലക്ഷവും പ്രതിഫലം വാങ്ങുന്നുണ്ട്. 70 ലക്ഷക്കാരുടെ നിരയില് പ്രിയാമണിയുമുണ്ട്. അന്പത് ലക്ഷം രൂപയാണ് പ്രേക്ഷകപ്രിയമുള്ള നായികമാരുടെ കുറഞ്ഞ പ്രതിഫലമെന്നാണ് തെലുങ്ക് നിര്മ്മാതാക്കള് പറയുന്നത്. നിത്യാമേനനെപ്പോലെ ഡിമാന്റുള്ള താരങ്ങളുടെ പ്രതിഫലത്തുക പുറത്തുപറയുവാന് ആരും തയ്യാറല്ല. തെലുങ്കിലും തമിഴിലും കന്നടയിലും മലയാളത്തിലും ഒരു പോലെ തിളങ്ങുന്ന താരമാണ് നിത്യ.
മലയാളത്തില് മഞ്ജുവാര്യര്ക്കാണ് ഏറ്റവും കൂടുതല് പ്രതിഫലം, ഒരുകോടി. ബാക്കിയുള്ളവര് മുപ്പത് ലക്ഷത്തിന് താഴെയാണ് വാങ്ങുന്നത്. മലയാളത്തില് പണ്ടത്തെ പോലെ ദീര്ഘകാലം നില്ക്കുന്ന നായികമാര് ഉണ്ടാകുന്നില്ല. വരുന്നവര് മിന്നായം പോലെ വന്ന് മറയുകയാണ്. അതാണ് പ്രതിഫലം കുറയാന് കാരണമെന്ന് ഇന്ഡസ്ട്രിയിലുള്ളവര് പറയുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha