മരണാനന്തരം കണ്ണുകള്‍ ദാനംചെയ്ത് നടന്‍ ഡാനിയല്‍ ബാലാജി...വെള്ളിയാഴ്ച രാത്രി ചെന്നൈയിലെ സ്വകാര്യ ആശുപത്രിയിലായിരുന്നു ഹൃദയാഘാതത്തെ തുടര്‍ന്ന് ഡാനിയല്‍ ബാലാജി അന്തരിച്ചത്, സിനിമാ മേഖലയിലെ നിരവധി പേര്‍ ഇപ്പോഴും ആദരാഞ്ജലിയര്‍പ്പിച്ചുകൊണ്ടിരിക്കുന്നു
മരണാനന്തരം കണ്ണുകള്‍ ദാനംചെയ്ത് നടന്‍ ഡാനിയല്‍ ബാലാജി...അടുത്ത ബന്ധുക്കള്‍ അറിയിച്ചതാണ് ഇക്കാര്യം. വെള്ളിയാഴ്ച രാത്രി ചെന്നൈയിലെ സ്വകാര്യ ആശുപത്രിയിലായിരുന്നു ഹൃദയാഘാതത്തേ തുടര്‍ന്ന് ഡാനിയല്‍ ബാലാജി അന്തരിച്ചത്, സിനിമാ മേഖലയിലെ നിരവധി പേര്‍ ഇപ്പോഴും ആദരാഞ്ജലിയര്‍പ്പിച്ചുകൊണ്ടിരിക്കുന്നു
കമല്‍ഹാസന്റെ മരുതനായകം സിനിമയുടെ മാനേജറായാണ് സിനിമാരംഗത്തേക്കെത്തിയത്. കമല്‍ഹാസന്റെ വേട്ടയാട് വിളയാട് എന്ന ചിത്രത്തില്‍ വില്ലന്‍വേഷത്തിലെത്തിയത് ഡാനിയല്‍ ബാലാജിയായിരുന്നു.
ഡാനിയല്‍ ബാലാജിയുടെ മരണം ഞെട്ടിക്കുന്നതാണെന്ന് കമല്‍ഹാസന്‍ അനുസ്മരിക്കുന്നു യുവാക്കളുടെ മരണത്തിന്റെ വേദന വളരെ വലുതാണ്. കണ്ണ് ദാനംചെയ്തതിനാല്‍ മരണശേഷവും അദ്ദേഹം ജീവിക്കുമെന്നും കമല്‍ അനുശോചിച്ചു.
'ഡാനിയല്‍ ബാലാജിയെ തനിക്ക് വല്ലാതെ മിസ് ചെയ്യുമെന്നാണ് നടന്‍ കിഷോര്‍ എഴുതിയത്. പൊല്ലാതവന്‍ ഒരു സിനിമ മാത്രമായിരുന്നില്ല. കുടുംബമായിരുന്നു. അണ്ണാ എപ്പടി ഇരുക്കീങ്ക എന്ന് നിങ്ങള്‍ എന്നോടുപറയുന്നത് കേള്‍ക്കാന്‍ ആഗ്രഹിച്ചുപോവുകയാണ്.' കിഷോര്‍ എഴുതി.
ഡാനിയല്‍ ബാലാജിയുടെ മരണവിവരമറിഞ്ഞപ്പോള്‍ ഞെട്ടിപ്പോയെന്നും വളരെയധികം വേദന തോന്നിയെന്നും സൂര്യ എക്‌സില്‍ പോസ്റ്റ് ചെയ്തു. തന്റെ ഭാഗം എപ്പോഴും നന്നാക്കാന്‍ നന്നായി പ്രയത്‌നിച്ചിരുന്നു അദ്ദേഹം.
കാക്ക കാക്കയിലെ നല്ല നാളുകള്‍ ഇപ്പോഴും ഓര്‍മയിലുണ്ടെന്നും സൂര്യ കൂട്ടിച്ചേര്‍ത്തു. രാധികാ ശരത് കുമാര്‍, വിജയ് സേതുപതി, അഥര്‍വ, നാനി, കീര്‍ത്തി സുരേഷ്, സുന്ദീപ് കിഷന്‍, സംവിധായകരായ വെട്രിമാരന്‍, അമീര്‍ തുടങ്ങിയവരും ഡാനിയല്‍ ബാലാജിക്ക് ആദരാഞ്ജലികളര്‍പ്പിച്ചു.
" f
https://www.facebook.com/Malayalivartha
