വാഹനാപകടത്തില്‍ ഗുരുതര പരിക്കേറ്റ് ആശുപത്രിയില്‍ ചികിത്സയിലായിരുന്ന യുവനടന്‍ മരിച്ചു. പട്ടണം കൃഷ്ണനിവാസില്‍ വിഷ്ണുവെന്ന് വിളിക്കുന്ന സുജിത് രാജേന്ദ്രന്‍ (32) ആണ് മരിച്ചത്. കഴിഞ്ഞ മാസം 26ന് ആലുവ - പറവൂര്‍ റോഡ് സെറ്റില്‍മെന്റ് സ്‌കൂളിന് മുന്നില്‍ വച്ചായിരുന്നു അപകടം ഉണ്ടായത്. തുടര്‍ന്ന് ഗുരുതരമായി പരിക്കേറ്റ ഇദ്ദേഹം ആശുപത്രിയില്‍ ചികിത്സയിലായിരുന്നു.

'കിനാവള്ളി' എന്ന ചിത്രത്തിലൂടെയാണ് സിനിമയില്‍ എത്തിയത്. ഇതേ ചിത്രത്തില്‍ ഒരു ഗാനവും താരം പാടിയിട്ടുണ്ട്.സണ്ണി ലിയോണിയുടെ മലയാള ചിത്രമായ രംഗീല, മാരത്തോണ്‍ എന്നീ ചിത്രങ്ങളില്‍ അഭിനയിച്ചിട്ടുണ്ട്. ചെറുപ്പത്തില്‍ തന്നെ ഭരതനാട്യവും കര്‍ണാട്ടിക് സംഗീതവും അഭ്യസിച്ച ആളാണ് സുജിത്ത്. ദുബായില്‍ ജനിച്ച സുജിത്ത് ഏഴു വര്‍ഷത്തോളം ഒരു അമേരിക്കന്‍ മള്‍ട്ടി നാഷനല്‍ കമ്പനിയില്‍ ജോലി ചെയ്തിന് ശേഷമാണ് സിനിമയില്‍ എത്തിയത്. 2018ലാണ് കിനാവള്ളിയില്‍ അഭിനയിക്കുന്നത്.