ബോളിവുഡ് താരം സല്മാന് ഖാന്റെ മുംബൈ ബാന്ദ്രയിലെ വസതിയ്ക്ക് നേരെ വെടിവയ്പ്...ബൈക്കിലെത്തിയ രണ്ട് അജ്ഞാതര് മൂന്ന് റൗണ്ട് വെടിയുതിര്ത്തതായി പൊലീസ്
ബോളിവുഡ് താരം സല്മാന് ഖാന്റെ മുംബൈ ബാന്ദ്രയിലെ വസതിയ്ക്ക് നേരെ വെടിവയ്പ്. ബൈക്കിലെത്തിയ രണ്ട് അജ്ഞാതര് മൂന്ന് റൗണ്ട് വെടിയുതിര്ത്തതായി പൊലീസ് . സംഭവത്തില് ആര്ക്കും പരുക്കേറ്റിട്ടില്ല. ഇന്ന് പുലര്ച്ചെയാണ് സംഭവം.
വെടിയുതിര്ത്ത ശേഷം സംഘം കടന്നുകളയുകയായിരുന്നു. ക്രൈംബ്രാഞ്ചും ലോക്കല് പൊലീസും ഫോറന്സിക് സംഘവും സ്ഥലത്തെത്തി പരിശോധന നടത്തുകയും ചെയ്തു.
സല്മാന് ഖാനെ വധിക്കുമെന്ന് ജയിലില് കഴിയുന്ന ഗുണ്ടാസംഘം നേതാവ് ലോറന്സ് ബിഷ്ണോയിയും പിടികിട്ടാപ്പുള്ളി ഗോള്ഡി ബ്രാറും പലതവണ ഭീഷണിപ്പെടുത്തിയിട്ടുണ്ടായിരുന്നു. ലോറന്സ് ബിഷ്ണോയിയും ഗോള്ഡി ബ്രാറും താരത്തെ കൊല്ലാന് മുംബൈയിലേക്ക് ഷൂട്ടര്മാരെ അയച്ചതായും ബന്ധപ്പെട്ട വൃത്തങ്ങളെ ഉദ്ധരിച്ചുള്ള റിപ്പോര്ട്ടുകളില് പറയുന്നു.
2018ല് ലോറന്സ് ബിഷ്ണോയിയുടെ സഹായി സമ്പത്ത് നെഹ്റ സല്മാന് ഖാന്റെ വീട്ടിലെത്തിയിരുന്നു. ആക്രമണം നടത്തുന്നതിന് മുമ്പ് സമ്പത്ത് നെഹ്റയെ ഹരിയാന പൊലീസ് അറസ്റ്റ് ചെയ്തു.
ചോദ്യം ചെയ്യലില് സല്മാന് ഖാനെ ആക്രമിക്കാനുള്ള മുഴുവന് പദ്ധതിയും ഇയാള് വെളിപ്പെടുത്തിയതായി റിപ്പോര്ട്ടുകള് പുറത്തുവന്നിരുന്നു. ഭീഷണികളുടെ പശ്ചാത്തലത്തില് സല്മാന് ഖാന്റെ വീടിന് പുറത്ത് മൂന്ന് ഷിഫ്റ്റുകളിലായി പൊലീസ് സംഘത്തെ വിന്യസിച്ചു.
"
https://www.facebook.com/Malayalivartha
