ബോളിവുഡ് താരം ഷാരൂഖ് ഖാനെ ആശുപത്രിയില് പ്രവേശിപ്പിച്ചു... ഐപിഎല് മത്സരം കാണുന്നതിനിടെ താരത്തിന് സൂര്യാഘാതമേറ്റു
ബോളിവുഡ് താരം ഷാരൂഖ് ഖാനെ ആശുപത്രിയില് പ്രവേശിപ്പിച്ചു. ഐപിഎല് മത്സരം കാണുന്നതിനിടെ സൂര്യാഘാതമേറ്റതിനെ തുടര്ന്നാണ് താരത്തിനെ ആശുപത്രിയില് പ്രവേശിപ്പിച്ചത്. കഴിഞ്ഞ ദിവസം കൊല്ക്കത്ത നൈറ്റ് റൈഡേഴ്സിന്റെയും സണ് റൈസേഴ്സ് ഹൈദരാബാദിന്റെയും മത്സരം കാണുന്നതിനിടെയായിരുന്നു സംഭവം. താരം ഹൈദരാബാദിലെ ആശുപത്രിയില് ചികിത്സ തേടിയതായാണ് ദേശീയ മാധ്യമങ്ങള് റിപ്പോര്ട്ട് ചെയ്യുന്നത്.
അഹമ്മദാബാദ് സ്റ്റേഡിയത്തിലെ 45 ഡിഗ്രി ചൂടില് താരത്തിന് നിര്ജലീകരണം അനുഭവപ്പെടുകയും ഉടന് തന്നെ ആശുപത്രിയില് എത്തിക്കുകയുമായിരുന്നു. ഡോക്ടര്മാരുടെ നിരീക്ഷണത്തിലാണ് ഇപ്പോള് താരമുള്ളത്. ഹോസ്പിറ്റല് പരിസരത്ത് വലിയ സുരക്ഷയാണ് ഒരുക്കിയിരിക്കുന്നതെന്ന് റിപ്പോര്ട്ടുകള് വ്യക്തമാക്കുന്നു.
താരത്തിന്റെ പ്രിയ സുഹൃത്ത് ജൂഹി ചൗള ആശുപത്രിയില് എത്തി സന്ദര്ശിച്ചതായും, സംഭവത്തില് കൂടുതല് വിവരങ്ങള് ഉടന് തന്നെ ആശുപത്രിവൃത്തങ്ങള് അറിയിക്കുമെന്നും ഐഎഎന്എസ് മാധ്യമം റിപ്പോര്ട്ട് ചെയ്യുന്നു.
https://www.facebook.com/Malayalivartha
